പെട്ടിമുടിയില്‍ എട്ടാം ദിവസവും തെരച്ചില്‍; ഇനിയും കണ്ടെത്താനാവാതെ 15 പേര്‍
ഡൂള്‍ന്യൂസ് ഡെസ്‌ക്
Friday, 14th August 2020, 7:48 am
ഇടുക്കി: പെട്ടിമുടിയില്‍ ഉരുള്‍പൊട്ടലില്‍ കാണാതായവര്‍ക്കുവേണ്ടിയുള്ള തെരച്ചില്‍ എട്ടാം ദിവസത്തിലേക്ക്. 15 പേരെയാണ് ഇനിയും കണ്ടെത്താനുള്ളത്. കന്നിയാറില്‍ കൂടുതല്‍ തെരച്ചില്‍ നടത്താനാണ് ദൗത്യസംഘത്തിന്റെ തീരുമാനം.
പുഴയില്‍ ഹിറ്റാച്ചി ഉപയോഗിച്ചും ലയങ്ങള്‍ക്ക് മുകളിലുള്ള മണ്ണ് നീക്കിയും പരിശോധന നടത്തും. വ്യാഴാഴ്ച തെരച്ചില്‍ നടത്തിയിരുന്നെങ്കിലും ആരെയും കണ്ടെത്തിയിരുന്നില്ല.
55 മൃതദേഹങ്ങളാണ് ഇതുവരെ കണ്ടെടുത്തത്.
