ലെറ്റര്‍ബോക്സില്‍ ചരിത്രം സൃഷ്ടിച്ച് ദക്ഷിണകൊറിയന്‍ ചിത്രം പാരസൈറ്റ്
എന്റര്‍ടെയിന്‍മെന്റ് ഡെസ്‌ക്
Thursday, 2nd November 2023, 4:50 pm
ലെറ്റര്‍ബോക്സിന്റെ ചരിത്രത്തില്‍ മൂന്ന് മില്യണ്‍ വാച്ച്ഡ് ക്ലബ്ബ് സ്വന്തമാക്കിയ ആദ്യത്തെ സിനിമയായി ദക്ഷിണകൊറിയന്‍ ചിത്രം പാരസൈറ്റ്.
എന്റര്‍ടെയ്‌മെന്റ് വെബ്‌സൈറ്റായ ഡിസ്‌ക്കസിങ്ങ് ഫിലിമാണ് തങ്ങളുടെ എക്‌സ് അക്കൗണ്ടിലൂടെ ലെറ്റര്‍ബോക്സില്‍ പാരസൈറ്റ് മൂന്ന് മില്യണ്‍ വാച്ച്ഡ് ക്ലബ്ബ് സ്വന്തമാക്കിയ കാര്യം പുറത്തുവിട്ടത്.
2020ല്‍ ഓസ്‌കാര്‍ പുരസ്‌കാര വേദിയില്‍ ഏഷ്യയുടെ അഭിമാനമായി മാറിയ ദക്ഷിണ കൊറിയന്‍ ചിത്രമായിരുന്നു പാരസൈറ്റ്. മികച്ച ചിത്രം, മികച്ച സംവിധായകന്‍, മികച്ച തിരക്കഥ, മികച്ച അന്താരാഷ്ട്ര ചിത്രം എന്നിങ്ങനെ നാലു പുരസ്‌കാരങ്ങളാണ് പാരസൈറ്റ് നേടിയിരുന്നത്.