ബിരുദ പഠനത്തില്‍ ഭാഷാസാഹിത്യ പഠനത്തിന് പ്രാധാന്യം കുറയുന്നത് അപകടകരം: പി. പവിത്രന്‍
ഡൂള്‍ന്യൂസ് ഡെസ്‌ക്
Tuesday, 21st February 2023, 8:15 pm
കോഴിക്കോട്: ബിരുദ പഠനത്തിന്റെ കാലാവധി നാല് വര്‍ഷമായി വര്‍ധിപ്പിക്കുമ്പോള്‍ ഭാഷാസാഹിത്യ പഠനം രണ്ട് വര്‍ഷത്തില്‍ നിന്നും ഒരു വര്‍ഷമാക്കി ചുരുക്കി പ്രാധാന്യം കുറയ്ക്കാനുള്ള നീക്കം ഉന്നത വിദ്യാഭ്യാസ രംഗത്ത് അപകടകരമായ സാഹചര്യം സൃഷ്ടിക്കുമെന്ന് എഴുത്തുകാരനും പ്രഭാഷകനുമായ പി. പവിത്രന്‍. ലോക മാതൃഭാഷാ ദിനാചരണത്തിന്റെ ഭാഗമായി മലബാര്‍ കൃസ്ത്യന്‍ കോളേജില്‍ സംസാരിക്കുകയായിരുന്നു അദ്ദേഹം.
ശാസ്ത്രവും സാമൂഹ്യ ശാസ്ത്രവുമെല്ലാം അനുഭൂതി ലോകത്തെ സ്പര്‍ശിക്കും വിധം പഠിക്കുമ്പോഴാണ് അവ ഒരു മൂല്യമായി മാറുക. അപ്പോഴേ ഭരണഘടന വിഭാവനം ചെയ്യുന്ന ലക്ഷ്യങ്ങള്‍ നിറവേറ്റാന്‍ വിദ്യാഭ്യാസത്തിന് സാധിക്കൂവെന്നും അദ്ദേഹം പറഞ്ഞു.
