മമതയ്ക്ക് മുന്നില്‍ പതറി ബി.ജെ.പി; അമിത് മാളവിയ ബംഗാളിലേക്ക്; പാര്‍ട്ടിയില്‍ തിരക്കിട്ട അഴിച്ചുപണി
ഡൂള്‍ന്യൂസ് ഡെസ്‌ക്
Saturday, 14th November 2020, 8:12 am
ന്യൂദല്‍ഹി: ബീഹാര്‍ ഫലത്തിന് പിന്നാലെ ബി.ജെ.പിയില്‍ അഴിച്ചുപണി. വരാനിരിക്കുന്ന തെരഞ്ഞെടുപ്പുകള്‍ മുന്നില്‍ കണ്ടാണ് പാര്‍ട്ടിയില്‍ തിരക്കിട്ട പുനക്രമീകരണം നടത്തുന്നതെന്നാണ് റിപ്പോര്‍ട്ടുകള്‍.
ബീഹാറില്‍ വിജയിച്ചെങ്കിലും അത്ര മികച്ചപ്രകടനം കാഴ്ച്ചവെക്കാന്‍ സാധിക്കാത്തതിലും പാര്‍ട്ടിയില്‍ ആശങ്കയുണ്ട്. ബംഗാളില്‍ തൃണമൂല്‍ കോണ്‍ഗ്രസിനെ പരാജയപ്പെടുത്തുക എന്നത് ബി.ജെ.പിക്ക് മുന്നിലെ വലിയൊരു കടമ്പതന്നെയായിരിക്കും.
അടുത്ത വര്‍ഷം ആദ്യം നടക്കാനിരിക്കുന്ന തെരഞ്ഞെടുപ്പില്‍ മമത ബാനര്‍ജിയുടെ തൃണമൂല്‍ കോണ്‍ഗ്രസില്‍ നിന്ന് സംസ്ഥാനത്തെ പിടിച്ചെടുക്കാനാണ് ബി.ജെ.പി ശ്രമിക്കുന്നത്.
