ഇനി ഇന്ത്യയുടെ മുന്നിലുള്ള വലിയ റെഡ് ബോള്‍ ഇവന്റാണ് ബോര്‍ഡര്‍ ഗവാസ്‌കര്‍ ട്രോഫി. ഓസ്ട്രേലിയയുമായി നടക്കുന്ന പരമ്പര നവംബര്‍ 22ാണ് ആരംഭിക്കുന്നത്. പെര്‍ത്തില്‍ ആരംഭിക്കുന്ന ആദ്യ ടെസ്റ്റിന് മുന്നോടിയായി ഇന്ത്യന്‍ താരങ്ങള്‍ വമ്പന്‍ മുന്നൊരുക്കത്തിലാണ്.
എന്നാല്‍ അപ്രതീക്ഷിതമായി ഇന്ത്യന്‍ താരങ്ങള്‍ പരിക്കിന്റെ പിടിയില്‍ വീഴുന്ന കാഴ്ചയാണ് പ്രാക്ടീസ് സെക്ഷനില്‍ കാണാന്‍ സാധിച്ചത്. ഇന്ത്യന്‍ സ്റ്റാര്‍ ബാറ്റര്‍ വിരാട് കോഹ്‌ലിക്ക് പരിക്ക് കാരണം സ്‌കാനിങ് ചെയ്യേണ്ടി വന്നതും ശുഭ്മന്‍ ഗില്‍ പുറത്തായതും കെ.എല്‍ രാഹുലിന് കൈമുട്ടില്‍ പന്ത് തട്ടി കളം വിട്ടതുമെല്ലാം വലിയ ആശങ്കകളാണ് ടീമില്‍ ഉണ്ടാക്കിയത്.
എന്നാല്‍ ഇന്ത്യയ്ക്ക് ഇപ്പോള്‍ ആശ്വസിക്കാനുള്ള വാര്‍ത്തയാണ് പുറത്ത് വന്നത്. കെ.എല്‍. രാഹുലിന്റെ പരിക്കിലെ ആശങ്കകള്‍ ഒഴിഞ്ഞിരിക്കുകയാണ്. താരം പെര്‍ത്തില്‍ പ്രാക്ടീസ് സെക്ഷനില്‍ എത്തിയതായാണ് റിപ്പോര്‍ട്ട്. സ്‌കാനിങ് റിപ്പോര്‍ട്ടില്‍ കുഴപ്പമില്ലെങ്കിലും ന്യൂസിലാന്‍ഡിനെതിരായ ആറ് ഇന്നിങ്സുകളില്‍ നിന്ന് 93 റണ്‍സ് മാത്രം നേടിയ വിരാടിന്റെ ഫോമിനെക്കുറിച്ച് ആരാധകര്‍ ആശങ്കയിലാണ്.
GOOD NEWS FOR TEAM INDIA..!!!
– KL Rahul has started the practice in nets ahead of the first BGT Test. 🇮🇳 [RevSportz] pic.twitter.com/25kYYhFDyC
മാത്രമല്ല പരിക്ക് മൂലം ആദ്യ മത്സരത്തില്‍ നിന്ന് പുറത്തായ ഗില്ലിന് പകരക്കാരെ തെരഞ്ഞെടുക്കാനും മാനേജ്‌മെന്റ് ഒരുങ്ങുകയാണ്. സായി സുദര്‍ശന്‍, ദേവ്ദത്ത് പടിക്കല്‍ എന്നിവരാണ് ഓപ്ഷനുകള്‍. ഇന്ത്യ എയില്‍ നിന്ന് താരങ്ങളെ ബോര്‍ഡര്‍ ഗവാസ്‌കറിലേക്ക് ഉള്‍പ്പെടുത്താനാണ് ഇന്ത്യ ആലോചിക്കുന്നത്. ഓസീസിനെതിരായ രണ്ടാം മത്സരത്തില്‍ ഗില്‍ തിരിച്ചുവരുമെന്നാണ് പ്രതീക്ഷ.
