മേയര്‍ തെരഞ്ഞെടുപ്പിലും ശിവസേനക്ക് പിന്തുണ പ്രഖ്യാപിച്ച് എന്‍.സി.പി; കോണ്‍ഗ്രസുമായി ചര്‍ച്ച നടത്തും
ഡൂള്‍ന്യൂസ് ഡെസ്‌ക്
Saturday, 16th November 2019, 8:35 pm
മുംബൈ: മഹാരാഷ്ട്രയില്‍ സര്‍ക്കാര്‍ രൂപീകരിക്കുന്നതിനുള്ള ശിവസേന-എന്‍.സി.പി-കോണ്‍ഗ്രസ്-ചര്‍ച്ചകള്‍ അവസാനഘട്ടത്തിലെത്തി നില്‍ക്കുമ്പോള്‍ വരാനിരിക്കുന്ന മുംബൈ മേയര്‍ തെരഞ്ഞെടുപ്പിലും ശിവസേനയെ പിന്തുണക്കുമെന്ന് എന്‍.സി.പി. നവംബര്‍ 22 നാണ് മുംബൈ മേയര്‍ തെരഞ്ഞെടുപ്പ് നടക്കുന്നത്. ശിവസേന ആവശ്യപ്പെടുകയാണെങ്കില്‍ ഞങ്ങള്‍ പിന്തുണക്കുമെന്ന് എന്‍.സി.പി നേതാവ് നവാബ് മാലിക് വ്യക്തമാക്കി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘ശിവസേന ബി.ജെ.പിയുമായുള്ള എല്ലാ സഖ്യവും ഉപേക്ഷിച്ചു. അവര്‍ എന്‍.ഡി.എക്ക് പുറത്താണ്. ഞങ്ങള്‍ ഇപ്പോള്‍ കോണ്‍ഗ്രസുമായി സഖ്യത്തിലാണ്. മേയര്‍ തെരഞ്ഞെടുപ്പില്‍ ശിവസേന ആവശ്യപ്പെടുകയാണെങ്കില്‍ തീര്‍ച്ചയായും ഞങ്ങള്‍ അവരെ പിന്തുണക്കും. ഞങ്ങള്‍ അത് സംബന്ധിച്ച് കോണ്‍ഗ്രസുമായി ചര്‍ച്ച നടത്തും.’ നവാബ് മാലിക് പറഞ്ഞു.
