നരേന്ദ്ര മോദി സ്റ്റേഡിയം സ്ഫോടനത്തില്‍ തകര്‍ക്കുമെന്ന് ഭീഷണി; പ്രതി അറസ്റ്റില്‍
ഡൂള്‍ന്യൂസ് ഡെസ്‌ക്
Wednesday, 11th October 2023, 3:19 pm
ഗുജറാത്ത്: അഹമ്മദാബാദിലെ നരേന്ദ്ര മോദി സ്റ്റേഡിയം തകര്‍ക്കുമെന്ന് ഭീഷണിമുഴക്കിയ പ്രതിയെ അറസ്റ്റ് ചെയ്തു. ഇമെയില്‍ വഴിയാണ് പ്രതി സന്ദേശം അയച്ചത്. മധ്യപ്രദേശ് സ്വദേശിയായ പ്രതിയെ ഗുജറാത്തിലെ രാജ്‌ക്കോട്ടില്‍ നിന്നാണ് ക്രൈം ബ്രാഞ്ച് അറസ്റ്റ് ചെയ്തത്.
നരേന്ദ്ര മോദി സ്റ്റേഡിയത്തില്‍ സ്‌ഫോടനം നടത്തുമെന്ന ഭീഷണിയോടൊപ്പം ഇയാളുടെ പേരും കൂടി കൊടുത്തുകൊണ്ടാണ് ഇമെയില്‍ അയച്ചതെന്ന് ഉദ്യോഗസ്ഥര്‍ പറഞ്ഞു. എന്നാല്‍ പ്രതിക്ക് യാതൊരു വിധത്തിലുള്ള ക്രിമിനല്‍ പശ്ചാത്തലവും ഇല്ലെന്നും ഉദ്യോഗസ്ഥര്‍ അറിയിച്ചു. വിഷയവുമായി ബന്ധപ്പെട്ട മറ്റു വിശദീകരണങ്ങള്‍ നല്‍കാന്‍ ഉദ്യോഗസ്ഥര്‍ തയ്യാറായിട്ടില്ല.
