മുരളീധരന്‍ - സുരേന്ദ്രന്‍ ഗ്രൂപ്പ് ബി.ജെ.പിയെ കുടുംബസ്വത്താക്കി മാറ്റി; കേന്ദ്രത്തിനോട് എതിര്‍പ്പറിയിച്ച് കൃഷ്ണദാസ് -ശോഭാ സുരേന്ദ്രന്‍ പക്ഷം
ഡൂള്‍ന്യൂസ് ഡെസ്‌ക്
Wednesday, 9th June 2021, 8:43 pm
കൊച്ചി: കുഴല്‍പ്പണ വിവാദത്തിനിടെ ബി.ജെ.പി സംസ്ഥാന നേതൃത്വത്തെ വെട്ടിലാക്കി കൃഷ്ണദാസ് – ശോഭാ സുരേന്ദ്രന്‍ പക്ഷം.
സംസ്ഥാന അധ്യക്ഷനായ കെ. സുരേന്ദ്രന്‍ ഉള്‍പ്പെട്ട മുരളീധര പക്ഷം പാര്‍ട്ടിയെ കുടുംബ സ്വത്താക്കി മാറ്റിയതിന്റെ ഫലമാണ് ഇപ്പോള്‍ അനുഭവിക്കുന്നതെന്ന് കേന്ദ്ര നേതൃത്വത്തെ അറിയിച്ചതായിട്ടാണ് റിപ്പോര്‍ട്ട്.
കൈരളി ന്യൂസാണ് ഇതുസംബന്ധിച്ച് വാര്‍ത്ത റിപ്പോര്‍ട്ട് ചെയ്തിരിക്കുന്നത്. കുഴല്‍പ്പണ വിവാദത്തില്‍ ഇരുകൂട്ടരുടെയും നിലപാട് വ്യക്തമാക്കണമെന്ന് കേന്ദ്ര നേതൃത്വം ആവശ്യപ്പെടുകയായിരുന്നു.
സുരേന്ദ്രന്‍ വ്യക്തിപരമായി സൃഷ്ടിച്ച പ്രതിസന്ധിയാണ് പാര്‍ട്ടി നേരിടുന്നതെന്നും കൃഷ്ണദാസ് – ശോഭാ സുരേന്ദ്രന്‍ പക്ഷം കേന്ദ്രത്തിനെ അറിയിച്ചു.
