മെസി ഈ വർഷത്തെ ബാലണ്‍ ഡി ഓര്‍ നേടിയാല്‍ അത് അഴിമതിയാവും: തുറന്ന് പറഞ്ഞ് വെസ്റ്റ് ഹാം താരം
സ്പോര്‍ട്സ് ഡെസ്‌ക്
Thursday, 26th October 2023, 11:29 am
2023 ലെ ബാലണ്‍ ഡി ഓര്‍ അവാര്‍ഡ് ആര് സ്വന്തമാക്കുമെന്ന ചര്‍ച്ചകളും വിശകലനങ്ങളുമാണ് ഫുട്‌ബോള്‍ ലോകത്ത് നടന്നുകൊണ്ടിരിക്കുന്നത്.
ഈ സാഹചര്യത്തില്‍ ബാലണ്‍ ഡി ഓര്‍ അവാര്‍ഡിനെകുറിച്ച് സംസാരിച്ചിരിക്കുകയാണ് ഇംഗ്ലീഷ് ക്ലബ്ബ് വെസ്റ്റ് ഹാമിന്റെ താരമായ മൈക്കല്‍ അന്റോണിയോ.
ബാലണ്‍ ഡി ഓര്‍ അവാര്‍ഡ് എര്‍ലിങ് ഹാലണ്ടിനെ മറികടന്ന് ലയണല്‍ മെസി സ്വന്തമാക്കിയാല്‍ അത് അഴിമതി ആവുമെന്നും ഹാലാന്‍ണ്ടാണ് ബാലണ്‍ ഡി ഓര്‍ നേടാന്‍ അര്‍ഹന്‍ എന്നുമാണ് അന്റോണിയോ പറഞ്ഞത്.
കഴിഞ്ഞ സീസണില്‍ മാഞ്ചസ്റ്റര്‍ സിറ്റിക്കൊയി 53 മത്സരങ്ങളില്‍ നിന്നും 52 ഗോളുകളും ഒന്‍പത് അസിസ്റ്റുകളുമാണ് എര്‍ലിങ് ഹാലണ്ട് നേടിയത്. മാഞ്ചസ്റ്റര്‍ സിറ്റിക്കായി ട്രബിള്‍ കിരീടനേട്ടത്തിലും ഈ നോര്‍വീജിയന്‍ സൂപ്പര്‍ താരം പങ്കാളിയായി.
