'വെളുപ്പിന് ആറ് മണിവരെ അഭിനയിക്കും, ആ 22 ദിവസവും മമ്മൂക്ക ഉറങ്ങിയിട്ടില്ല'; ഓര്‍മ്മകള്‍ പങ്കുവെച്ച് മണിയന്‍പിള്ള രാജു
എന്റര്‍ടെയിന്‍മെന്റ് ഡെസ്‌ക്
Tuesday, 27th July 2021, 7:22 pm
കൊച്ചി: മലയാളത്തിന്റെ സൂപ്പര്‍ താരപദവിയില്‍ മമ്മൂട്ടിയും മോഹന്‍ലാലും ഇരിക്കുന്നതിന് പിന്നില്‍ കഷ്ടപ്പാടിന്റെയും കഠിനാധ്വാനത്തിന്റെയും വലിയ കഥയുണ്ടെന്ന് പറയുകയാണ് നടന്‍ മണിയന്‍പിള്ള രാജു.
പഴയ ചില ഷൂട്ടിംഗ് അനുഭവം പങ്കുവെച്ചുകൊണ്ടായിരുന്നു അദ്ദേഹത്തിന്റെ പരാമര്‍ശം. കൗമുദി ടിവിയ്ക്ക് നല്‍കിയ അഭിമുഖത്തിലാണ് മണിയന്‍പിള്ള മനസ്സുതുറന്നത്.
”എങ്ങനെയുണ്ട് ആശാനെ എന്ന ചിത്രം ഷൂട്ട് ചെയ്യുന്ന സമയം. മമ്മൂക്ക അന്ന് ഉറക്കമില്ലാതെ അഭിനയിക്കുന്ന സമയമായിരുന്നു. പകല്‍ മുഴുവന്‍ അദ്ദേഹം വേറെ പടത്തില്‍ അഭിനയിക്കാന്‍ പോകും.
രാത്രി വന്ന് നമ്മുടെ പടത്തില്‍ അഭിനയിക്കും. അപ്പോള്‍ കഷ്ടം തോന്നും. രാത്രി അഭിനയിച്ച ശേഷം രാവിലെ ഞങ്ങളുടെ ആരുടെയങ്കിലും റൂമില്‍ വന്ന് ടൂത്ത് പേസ്റ്റ് ഒക്കെയെടുത്ത് ബ്രഷ് ചെയ്ത് അവിടുന്ന് അടുത്ത സെറ്റിലേക്ക് പോകും.
