ജെ.എന്‍.യു അക്രമം ഓര്‍മ്മിപ്പിക്കുന്നത് നാസി ജര്‍മനിയെ; ഹിറ്റ്‌ലറുടെ യുവാക്കളുടെ പടയും ചെയ്തത് ഇതുതന്നെയാണെന്ന് മനീഷ് തിവാരി
ഡൂള്‍ന്യൂസ് ഡെസ്‌ക്
Sunday, 5th January 2020, 9:18 pm
നാസി ജര്‍മ്മനിയെ ഓര്‍മ്മിപ്പിക്കുന്ന കാര്യങ്ങളാണ് ഇപ്പോള്‍ ജെ.എന്‍.യുവില്‍ നടക്കുന്നതെന്ന് കോണ്‍ഗ്രസ് വക്താവ് മനീഷ് തിവാരി. ഭരണാധികാരികള്‍ പദ്ധതിയിട്ട് നടപ്പാക്കുന്ന ഫാസിസമാണ് അരങ്ങേറുന്നത് എന്നതില്‍ സംശയമില്ലെന്നും അത് തന്നെയാണ് ഹിറ്റ്‌ലര്‍ തന്റെ യുവ പോരാളികളെക്കൊണ്ട് നടപ്പിലാക്കിയതെന്നും തിവാരി ട്വീറ്റ് ചെയ്തു.
മുഖം മൂടി ധരിച്ചെത്തിയ അന്‍പതോളം പേരാണ് വിദ്യാര്‍ത്ഥികള്‍ക്കും അധ്യാപകര്‍ക്കും നേരെ അക്രമം അഴിച്ചു വിട്ടത്. അക്രമകാരികള്‍ എ.ബി.വി.പി പ്രവര്‍ത്തകരാണെന്ന് വിദ്യാര്‍ത്ഥികള്‍ ആരോപിച്ചു. നിരവധിപ്പേരാണ് അക്രമത്തെ അപലപിച്ച് രംഗത്തെത്തിയത്.
