ഞാന്‍ ആ അഭിനേത്രിയുടെ കാലുതൊട്ട് തൊഴണം; അത്ര മികച്ച നടിയാണ്: മല്ലിക സുകുമാരന്‍
എന്റര്‍ടെയിന്‍മെന്റ് ഡെസ്‌ക്
Saturday, 9th November 2024, 2:49 pm
കരിയറിന്റെ തുടക്കത്തില്‍ മലയാളത്തിലെ തിരക്കുള്ള നായികയായിരുന്നു മല്ലിക സുകുമാരന്‍. അഭിനയത്തില്‍ നിന്നും ഇടവേളയെടുത്ത താരം ഇപ്പോള്‍ ടെലിവിഷന്‍ സീരിയലുകളിലൂടെയും സിനിമയിലും ഇപ്പോള്‍ സജീവമാണ്.
കെ.പി.എ.സി ലളിതയെ കുറിച്ച് സംസാരിക്കുകയാണ് മല്ലിക സുകുമാരന്‍. കെ.പി.എ.സി ലളിതയുടെ കാലുതൊട്ട് തൊഴണമെന്നും അവര്‍ അത്രയും മികച്ച നടിയാണെന്നും മല്ലിക പറയുന്നു. കെ.പി.എ.സി ലളിത അഭിനയിക്കുകയാണെന്ന് തോന്നുകയേ ഇല്ലെന്നും ഡയലോഗ് പറയുന്നതെല്ലാം വളരെ നാച്ചുറല്‍ ആണെന്നും താരം കൂട്ടിച്ചേര്‍ത്തു.
‘കെ.പി.എ.സി ലളിത എന്ന അഭിനേത്രിയുടെ കാലുതൊട്ട് ഞാന്‍ തൊഴണം. കാരണം അവര്‍ അത്ര മികച്ച നടിയാണ്. ചേച്ചിയുടെ ഡയലോഗ് ഡെലിവെറിയെല്ലാം ഇല്ലേ ഓരോ സന്ദര്‍ഭത്തിനനുസരിച്ച് അതെല്ലാം എത്ര നാച്ചുറലാണ്. അത് അഭിനയമാണെന്ന് നമുക്ക് തോന്നുകയേ ഇല്ല.