മലൈക്കോട്ടെ വാലിബന്‍ ഫസ്റ്റ് ലുക്ക് പോസ്റ്റര്‍ ഉടന്‍, ഡേറ്റ് പുറത്തുവിട്ട് മോഹന്‍ലാല്‍
എന്റര്‍ടെയിന്‍മെന്റ് ഡെസ്‌ക്
Sunday, 9th April 2023, 11:33 am
മലയാള സിനിമ പ്രേക്ഷകര്‍ ഏറ്റെടുത്ത പ്രഖ്യാപനമായിരുന്നു മോഹന്‍ലാല്‍-ലിജോ ജോസ് പെല്ലിശ്ശേരി കൂട്ടുകെട്ടിലൊരുങ്ങുന്ന മലൈക്കോട്ടൈ വാലിബന്‍. ഒക്ടോബര്‍ 25 ന് ആയിരുന്നു ഈ പ്രോജക്റ്റിന്റെ ഔദ്യോഗിക പ്രഖ്യാപനം നടന്നത്.
മലൈക്കോട്ടൈ വാലിബന്‍ എന്ന ചിത്രത്തിന്റെ ടൈറ്റില്‍ അനൗണ്‍സ്മെന്റ് തന്നെ വ്യത്യസ്തമായിരുന്നു. ചിത്രത്തിന്റെ ടൈറ്റില്‍ പോസ്റ്റര്‍ വിവിധ കഷ്ണങ്ങളാക്കി മൂന്ന് ദിവസങ്ങളായി മിനിട്ടുകളുടെ വ്യത്യാസത്തില്‍ മോഹന്‍ലാല്‍ പുറത്ത് വിടുകയായിരുന്നു.
ഇപ്പോഴിതാ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിടാനുള്ള ഒരുക്കത്തിലാണ് അണിയറപ്രവര്‍ത്തകര്‍. ഏപ്രില്‍ 14ന് ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തുവിടും.
