മേഡ് ഇന്‍ ഹെവന്‍; സംവിധായകനായി ഹെലനിലെ നായകന്‍ നോബിള്‍; ഷാന്‍ റഹ്‌മാന്റെ മ്യൂസിക്കില്‍ കിടിലനൊരു മ്യൂസിക് ആല്‍ബം
എന്റര്‍ടെയിന്‍മെന്റ് ഡെസ്‌ക്
Wednesday, 16th June 2021, 5:36 pm
കൊച്ചി: ഹെലന്‍ സിനിമയില്‍ ഹെലന്റെ കാമുകനായ അസറിനെ അത്രപ്പെട്ടന്നൊന്നും മറന്നുപോകില്ല. ചിത്രത്തിന്റെ കഥ എഴുതിയ നോബിള്‍ ബാബു തോമസ് ആയിരുന്നു ഹെലനില്‍ നായകനായി എത്തിയത്.
ഇപ്പോഴിതാ സംവിധായകനായി എത്തുകയാണ് നോബിള്‍. ഷാന്‍ റഹ്‌മാന്റെ സംഗീതത്തില്‍ ഒരുങ്ങിയ മേഡ് ഇന്‍ ഹെവന്‍ എന്ന മ്യൂസിക് ആല്‍ബത്തിലൂടെയാണ് നോബിള്‍ സംവിധായകനാവുന്നത്.
പ്രണയവും കോമഡിയും ട്വിസ്റ്റുമായി ഒരു സിനിമയുടെ ഫീല്‍ തരുന്നതാണ് മേഡ് ഇന്‍ ഹെവന്‍ ആല്‍ബം. ക്ലൈമാക്സില്‍ ഒരു ഉഗ്രന്‍ സസ്പെന്‍സും മ്യൂസിക് വീഡിയോയില്‍ ഉണ്ട്.
നോബിള്‍ തന്നെയാണ് ആല്‍ബത്തിലെ നായകനാവുന്നത്. അന്‍ഷ മോഹന്‍, ആശ മഠത്തില്‍, സതീഷ് എന്നിവരാണ് മ്യൂസിക് വീഡിയോയിലെ പ്രധാന കഥാപാത്രങ്ങളാവുന്നത്.
