നരേന്‍ വെളിപ്പെടുത്തിയ എല്‍.സി.യു ഷോര്‍ട്ട് ഫിലിം; അപ്‌ഡേറ്റ് നല്‍കി ലോകേഷ് തന്നെ രംഗത്ത്
എന്റര്‍ടെയിന്‍മെന്റ് ഡെസ്‌ക്
Sunday, 17th December 2023, 8:59 am
ലോകേഷ് കനകരാജ് യൂണിവേഴ്‌സുമായി ബന്ധപ്പെട്ട് ഒരു വമ്പന്‍ അപ്‌ഡേറ്റ് കഴിഞ്ഞ ദിവസം നടന്‍ നരേന്‍ നല്‍കിയിരുന്നു. ലോകേഷും താനും ഒന്നിച്ച് ഒരു ഷോര്‍ട്ട് ഫിലിം ചെയ്തിരുന്നുവെന്നും അതാണ് എല്‍.സി.യുവിന്റെ തുടക്കമെന്നുമായിരുന്നു നരേന്‍ പറഞ്ഞത്.
ഇതിനെ പറ്റി ഇപ്പോള്‍ ലോകേഷ് തന്നെ സംസാരിക്കുകയാണ്. ഷോര്‍ട്ട് ഫിലിം ഇപ്പോഴും പ്രോസസിങ്ങിലാണെന്നും ഉടന്‍ അപ്‌ഡേറ്റ് പുറത്ത് വിടുമെന്നും ലോകേഷ് പറഞ്ഞു. ഒരു തമിഴ് യൂട്യൂബ് ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.
‘ഒരു ഷോര്‍ട്ട് ഫിലിം ചെയ്തിട്ടുണ്ട്. ഒരു പത്ത് പതിനഞ്ച് ദിവസം മുമ്പേയാണ് തീര്‍ത്തത്. അതിന്റെ അപ്‌ഡേറ്റ് ഉടനെ ലഭിക്കും. അതിപ്പോഴും പ്രോസസ് ചെയ്തുകൊണ്ടിരിക്കുകയാണ്. ഒരു സര്‍പ്രൈസാണ്. ചെറിയ ഷോര്‍ട്ട് ഫിലിമാണ്. ഉടനെ റിലീസ് ചെയ്യും,’ നരേന്‍ പറഞ്ഞു.
