'ഇത് കേന്ദ്ര സര്‍ക്കാര്‍ രീതി', സൗത്ത് സ്റ്റേഷന്റെ പേരുമാറ്റത്തില്‍ പ്രതിപക്ഷം
സ്പോര്‍ട്സ് ഡെസ്‌ക്
Tuesday, 10th October 2023, 7:10 pm
കൊച്ചി: എറണാകുളം ജങ്ഷന്‍ (എറണാകുളം സൗത്ത്) റെയില്‍വേ സ്റ്റേഷന്റെ പേര് മാറ്റുന്നതിനുള്ള കൊച്ചി കോര്‍പറേഷന്റെ പ്രമേയത്തിനെതിരെ പ്രതിപക്ഷം. ഈ രീതിയില്‍ പേരുകള്‍ മാറ്റുന്നത് കേന്ദ്ര സര്‍ക്കാരിന്റെ രാഷ്ട്രീയ അജണ്ടയാണെന്നും കോര്‍പറേഷന്‍ പ്രതിപക്ഷ നേതാവ് ആന്റണി കുരീത്തറ പറഞ്ഞു.
സ്റ്റേഷന് മുന്‍ കൊച്ചി രാജാവ് രജര്‍ഷി രാമവര്‍മന്റെ പേര് നല്‍കാനാണ് കോര്‍പ്പറേഷന്റെ ഒരുക്കം. ഷൊര്‍ണൂര്‍ – എറണാകുളം റെയില്‍പ്പാതയുടെ വികസനത്തിന് പിന്നില്‍ അന്നത്തെ രാജാവായിരുന്ന രജര്‍ഷി രാമവര്‍മയായിരുന്നു.
ഈ റെയില്‍വേ ലൈന്‍ നിലവില്‍ വന്നതിന് ശേഷമാണ് കൊച്ചിയില്‍ കൂടുതല്‍ വികസനം ഉണ്ടായത്. കൂടാതെ കൊച്ചി തുറമുഖത്തിന്റെ വളര്‍ച്ചക്ക് അദ്ദേഹം നിര്‍മിച്ച ട്രാം വേം സഹായകമായിട്ടുണ്ട്. ഇവയെല്ലാം മുന്‍നിര്‍ത്തിയാണ് കോര്‍പറേഷന്‍ പ്രമേയം പാസാക്കിയത്.
