ഉപതെരഞ്ഞെടുപ്പിനൊരുങ്ങി കേരളം;ഔദ്യോഗിക ചര്‍ച്ചകള്‍ ഇന്ന് തുടങ്ങും ; എല്‍.ഡി.എഫ് സ്ഥാനാര്‍ഥികളില്‍ ഇന്ന് തീരുമാനമാകും
ഡൂള്‍ന്യൂസ് ഡെസ്‌ക്
Tuesday, 24th September 2019, 8:33 am
തിരുവനന്തപുരം: പാലാ ഉപതെരഞ്ഞെടുപ്പ് കഴിഞ്ഞതോടെ ഇനി നടക്കാനുള്ള 5 നിയമസഭാമണ്ഡലങ്ങളിലേക്കുള്ള മുന്നൊരുക്കള്‍ക്ക് തുടക്കം. വട്ടിയൂര്‍ക്കാവ്, കോന്നി, അരൂര്‍, എറണാകുളം, മഞ്ചേശ്വരം മണ്ഡലങ്ങളിലേക്കുള്ള എല്‍.ഡി.എഫ് സ്ഥാനാര്‍ഥികളുടെ കാര്യത്തില്‍ ഇന്ന് ധാരണയാകും.
കോണ്‍ഗ്രസില്‍ സ്ഥാനാര്‍ഥി നിര്‍ണയചര്‍ച്ചകള്‍ക്ക് ഉമ്മന്‍ചാണ്ടിയും രമേശ് ചെന്നിത്തലയും മുല്ലപ്പള്ളി രാമചന്ദ്രനും ഇന്ന് തുടക്കം കുറിക്കും. സീറ്റ് വിഭജനത്തിനും തയ്യാറെടുപ്പുകള്‍ക്കുമായി എന്‍.ഡി.എ നേതൃതവും ഇന്ന് ഔദ്യോഗിക ചര്‍ച്ച കൊച്ചിയില്‍ നടത്തും. പാണക്കാട് ശിഹാബ് തങ്ങളുടെ അധ്യക്ഷതയില്‍ മുസ്ലിം ലീഗ് യോഗവും ഇന്ന് പാണക്കാട് ചേരും.
