ഇ-പാസിന് ഇതുവരെ അപേക്ഷിച്ചത് ഒരു ലക്ഷത്തിലധികം പേര്‍; അവശ്യഘട്ടങ്ങളില്‍ മാത്രമേ അപേക്ഷിക്കാവൂ എന്ന് ഡി.ജി.പി
ഡൂള്‍ന്യൂസ് ഡെസ്‌ക്
Sunday, 9th May 2021, 9:54 pm
തിരുവനന്തപുരം: പൊലീസിന്റെ ഓണ്‍ലൈന്‍ ഇ-പാസിനായി അത്യാവശ്യഘട്ടങ്ങളില്‍ മാത്രമേ അപേക്ഷിക്കാവൂ എന്ന് സംസ്ഥാന പൊലീസ് മേധാവി ലോക് നാഥ് ബെഹ്‌റ. ലോക്ക്ഡൗണ്‍ നിയന്ത്രണങ്ങളും പരിശോധനകളും തിങ്കളാഴ്ച മുതല്‍ കൂടുതല്‍ ശക്തിപ്പെടുത്തുമെന്നും ബെഹ്‌റ പറഞ്ഞു.
മാധ്യമപ്രവര്‍ത്തകര്‍ ഉള്‍പ്പെടെയുള്ള അവശ്യ വിഭാഗത്തില്‍പ്പെട്ടവര്‍ക്ക് സാധുതയുള്ള തിരിച്ചറിയല്‍ കാര്‍ഡ് ഉള്ളപക്ഷം വേറെ പാസിന്റെ ആവശ്യമില്ല.
അതേസമയം വീട്ടുജോലിക്കാര്‍, ഹോം നഴ്‌സ് തുടങ്ങിയവര്‍ക്ക് തൊഴിലാളികള്‍ക്ക് വേണ്ടി തൊഴിലുടമയ്ക്ക് പാസിന് അപേക്ഷിക്കാം. അതേസമയം മരുന്ന്, ഭക്ഷ്യ വസ്തുക്കള്‍ വാങ്ങുക തുടങ്ങിയവയ്ക്ക് സത്യവാങ്മൂലം കയ്യില്‍ കരുതിയാല്‍ മതിയാകും.
