ബോളിവുഡ് സംവിധായകന്‍ കരണ്‍ ജോഹറിനെതിരെ പുതിയ വിവാദവുമായി ടീം കങ്കണ റണൗത്ത്. കരണ്‍ ജോഹറിന്റെ പദ്മശ്രീ തിരിച്ചെടുക്കണമെന്നാണ് കങ്കണ ടീമിന്റെ പുതിയ ആവശ്യം. ട്വിറ്ററിലൂടെയാണ് കങ്കണയുടെ ഈ പരാമര്‍ശം.
സുശാന്ത് സിംഗ് രാജ്പുത്തിന്റെ കരിയര്‍ ഇല്ലാതാക്കിയതും, ഉറി ആക്രമണ സമയത്ത് പാകിസ്ഥാനെ പിന്തുണച്ചു നിന്നയാളുമാണ് കരണ്‍ ജോഹര്‍ എന്നാണ് കങ്കണ പറയുന്നത്. ഇന്ത്യന്‍ ജവാന്‍മാരെ അപമാനിക്കുന്ന തരത്തില്‍ ഇദ്ദേഹം ചിത്രം സംവിധാനം ചെയ്തിട്ടുണ്ടെന്നും കങ്കണ പറഞ്ഞു.
‘സംവിധായകന്‍ കരണ്‍ ജോഹറിന്റെ പദ്മശ്രീ പുരസ്‌കാരം തിരിച്ചെടുക്കാന്‍ ഇന്ത്യാ ഗവണ്‍മെന്റിനോട് ഞാന്‍ അപേക്ഷിക്കുന്നു. പരസ്യമായി എന്നോട് ചലച്ചിത്ര മേഖല വിട്ടുപോകാന്‍ പറഞ്ഞയാളാണ് കരണ്‍. സുശാന്ത് സിംഗ് രാജ്പുത്തിന്റെ കരിയര്‍ ഇല്ലാതാക്കാന്‍ അയാള്‍ ശ്രമിച്ചു. ഉറി ആക്രമണ സമയത്ത് പാകിസ്ഥാനെ പിന്തുണച്ചയാളാണ് കരണ്‍. ഇപ്പോള്‍ ഇന്ത്യന്‍ ജവാന്‍മാരെ അപമാനിക്കുന്ന ചിത്രം പുറത്തിറക്കിയിരിക്കുന്നു’- ഇതായിരുന്നു ട്വീറ്റ്.
I request government of India to take KJO’s PadmaShri back,he openly intimidated me and asked me to leave the industry on an international platform,conspired to sabotage Sushanth’s career,he supported Pakistan during Uri battle and now antinational film against our Army. https://t.co/KEgVEDpMrF
— Kangana Ranaut (@KanganaTeam) August 18, 2020
മുമ്പ് പദ്മശ്രീ പുരസ്‌കാരം ലഭിച്ച കരണ്‍ ജോഹറിന് അഭിനന്ദനവുമായി കങ്കണ രംഗത്തെത്തിയിരുന്നു.
