ഓസ്‌ട്രേലിയന്‍ ഓപ്പണ്‍ കിരീടം ചൂടി ഒസാക്ക: ഇരുപത്തിമൂന്നുകാരിയുടെ തകര്‍പ്പന്‍ പ്രകടനത്തിന് കയ്യടിച്ച് ലോകം
സ്പോര്‍ട്സ് ഡെസ്‌ക്
Saturday, 20th February 2021, 4:57 pm
മെല്‍ബണ്‍: ഓസ്‌ട്രേലിയന്‍ ഓപ്പണ്‍ ഫൈനലില്‍ തകര്‍പ്പന്‍ വിജയം നേടി ജപ്പാന്റെ നവോമി ഒസാക്ക. അമേരിക്കയുടെ ജെന്നിഫര്‍ ബ്രാഡിയെ നേരിട്ടുള്ള സെറ്റുകള്‍ക്ക് തകര്‍ത്താണ് വുമണ്‍ സിംഗിള്‍സ് കപ്പില്‍ ഒസാക്ക മുത്തമിട്ടത്. 6-4, 6-3 എന്ന സ്‌കോറിനായിരുന്നു ഒസാക്കയുടെ ജയം.
രണ്ടാം തവണയാണ് ഒസാക്ക ഓസ്‌ട്രേലിയന്‍ ഓപ്പണില്‍ വുമണ്‍ സിംഗിള്‍സില്‍ ചാമ്പ്യനാകുന്നത്. ഇത് ജപ്പാന്‍ താരത്തിന്റെ നാലാം ഗ്രാന്‍ഡ്‌സ്‌ലാം കിരീടം കൂടിയാണ്.
ഇരുപത്തിമൂന്നുകാരിയായ ഒസാക്ക സെമി ഫൈനലില്‍ സെറീന വില്യംസിനെ തോല്‍പ്പിച്ചാണ് ഫൈനലിലെത്തിയത്.
2020 ഫെബ്രുവരി മുതല്‍ കളിച്ച ഒരൊറ്റ മാച്ചില്‍ പോലും തോല്‍ക്കാതെയാണ് ഒസാക്ക ഓസ്‌ട്രേലിയന്‍ ഓപ്പണിലെത്തിയത്. ഫൈനലിലെ വിജയത്തോടെ തുടര്‍ച്ചയായ 21ാം ജയമാണ് ഒസാക്ക സ്വന്തമാക്കിയത്.
