'ഇത് കാസ്റ്റിംഗ് കോള്‍ തന്നെയോ? ; ഇതുപോലെ ഒരു കാസ്റ്റിംഗ് കോള്‍ നിങ്ങള്‍ ഇതിന് മുമ്പ് കണ്ടിട്ടുണ്ടാവില്ല'; അന്ന ബെന്‍ - മധുബാല ചിത്രത്തിലേക്ക് പുതുമുഖങ്ങള്‍ക്ക് അവസരം
എന്റര്‍ടെയിന്‍മെന്റ് ഡെസ്‌ക്
Wednesday, 20th January 2021, 6:27 pm
കൊച്ചി: പലതരത്തില്‍ ഉള്ള കാസ്റ്റിംഗ് കോള്‍ കണ്ടിട്ടുണ്ട്. എന്നാല്‍ റാപ് സോംഗ് ഉപയോഗിച്ചുള്ള ഒരു കാസ്റ്റിംഗ് കോള്‍ ഇതാദ്യമായിട്ടായിരിക്കും. അതും മലയാളത്തില്‍.
വികൃതി എന്ന ചിത്രത്തിന് ശേഷം എം.സി ജോസഫ് സംവിധാനം ചെയ്യുന്ന പുതിയ ചിത്രമായ ‘എന്നിട്ട് അവസാനം’ എന്ന ചിത്രത്തിനായിട്ടുള്ള കാസ്റ്റിംഗ് കോള്‍ ആണ് ഇപ്പോള്‍ വൈറലാവുന്നത്.
റിജക്ഷന്‍ റാപ്പ് എന്ന പേരില്‍ റാപ്പ് വീഡിയോ ആയിട്ടാണ് കാസ്റ്റിംഗ് കോള്‍. യഥുവും നിഥിനുമാണ് റാപ്പ് അവതരിപ്പിച്ചിരിക്കുന്നത്. അര്‍ജുന്‍ അശോകന്‍, അന്ന ബെന്‍, മധുബാല തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളാവുന്നത്.
