എങ്കിലും നാലാം നമ്പറിലിറങ്ങിയ മാര്‍കസ് സ്റ്റോയ്‌നിസിന്റെ അര്‍ധ സെഞ്ച്വറിയും ക്യാപ്റ്റന്‍ കെ.എല്‍. രാഹുല്‍, വൈസ് ക്യാപ്റ്റന്‍ നിക്കോളാസ് പൂരന്‍ എന്നിവരുടെ ഇന്നിങ്‌സിന്റെ കരുത്തില്‍ സൂപ്പര്‍ ജയന്റ്‌സ് മോശമല്ലാത്ത സ്‌കോര്‍ സ്വന്തമാക്കി.
മത്സരത്തില്‍ വേണ്ടത്ര സ്‌ട്രൈക്ക് റേറ്റില്‍ സ്‌കോര്‍ ചെയ്യാന്‍ സാധിച്ചില്ലെങ്കിലും ഒരു തകര്‍പ്പന്‍ നേട്ടമാണ് കെ.എല്‍. രാഹുലിനെ തേടിയെത്തിയത്. ലഖ്‌നൗ സൂപ്പര്‍ ജയന്റ്‌സിനായി 1,000 റണ്‍സ് പൂര്‍ത്തിയാക്കുന്ന ആദ്യ താരം എന്ന നേട്ടമാണ് താരം സ്വന്തമാക്കിയത്.
We’ve loved you for a 1000 runs, we’ll love you for 10,000 more 🫠💙
2022ല്‍ ടീം രൂപീകരിച്ചത് മുതല്‍ സൂപ്പര്‍ ജയന്റ്‌സിന്റെ ഭാഗമാണ് രാഹുല്‍. ടീമിനായി 28 മത്സരത്തില്‍ നിന്നും 42.33 ശരാശരിയിലും 127.79 എന്ന സ്‌ട്രൈക്ക് റേറ്റിലും 1,016 റണ്‍സാണ് താരം നേടിയത്.
ലഖ്‌നൗ സൂപ്പര്‍ ജന്റ്‌സിനായി ഏറ്റവുമധികം റണ്‍സ് നേടിയ താരങ്ങള്‍
അതേസമയം, ലഖ്‌നൗ ഉയര്‍ത്തിയ 164 റണ്‍സിന്റെ ലക്ഷ്യം പിന്തുടര്‍ന്നിറങ്ങിയ ടൈറ്റന്‍സിന് നാലാം വിക്കറ്റും നഷ്ടമായിരിക്കുകയാണ്. വിക്കറ്റ് കീപ്പര്‍ ബാറ്റര്‍ ബി.ആര്‍. ശരത്തിന്റെ വിക്കറ്റാണ് ടൈറ്റന്‍സിന് നഷ്ടമായത്. ക്രുണാല്‍ പാണ്ഡ്യയുടെ പന്തില്‍ ആയുഷ് ബദോനിക്ക് ക്യാച്ച് നല്‍കിയാണ് താരം പുറത്തായത്. ഈ ഓവറില്‍ സായ് സുദര്‍ശനെയും പാണ്ഡ്യ മടക്കിയിരുന്നു.
നിലവില്‍ ഒമ്പത് ഓവര്‍ പിന്നിടുമ്പോള്‍ 61ന് നാല് എന്ന നിലയിലാണ് ടൈറ്റന്‍സ്. രണ്ട് പന്തില്‍ രണ്ട് റണ്‍സുമായി വിജയ് ശങ്കറും ഒരു പന്തില്‍ റണ്ണെടുക്കാതെ രാഹുല്‍ തെവാട്ടിയയുമാണ് ക്രീസില്‍.
Content highlight: IPL 2024: LSG vs GT: KL Rahul becomes the first batter to score 1000 runs for Lucknow Super Giants
