ചിക്കന്‍പോക്‌സും വാക്സിന് ചികിത്സയും ഡൂഡിളില്‍; വൈറോളജിസ്റ്റിന്റെ പിറന്നാളാഘോഷിച്ച് ഗൂഗിള്‍
ഡൂള്‍ന്യൂസ് ഡെസ്‌ക്
Thursday, 17th February 2022, 10:38 am
കാലിഫോര്‍ണിയ: ഗൂഗിളിന്റെ ഹോം പേജില്‍ ലോഗോയില്‍ താല്‍ക്കാലികമായി പ്രത്യേകം വരുത്തുന്ന മാറ്റങ്ങളെയാണ് ഡൂഡിള്‍ എന്ന് വിശേഷിപ്പിക്കുന്നത്. ഇത്തരത്തില്‍ മാറ്റം വരുത്തിയ ഫെബ്രുവരി 17ലെ ഗൂഗിളിന്റെ ഡൂഡിള്‍ ശ്രദ്ധ നേടുകയാണ്‌.
ചിക്കന്‍പോക്‌സിനെതിരായ വാക്സിന് വികസിപ്പിച്ചെടുത്തതില്‍ പ്രധാന പങ്ക് വഹിച്ച വൈറോളജിസ്റ്റ് ഡോക്ടര്‍ മിഷ്യാകി തകാഹഷിയുടെ പിറന്നാള്‍ ദിനമാണ് ഡൂഡിള്‍ വഴി ഗൂഗിള്‍ ആഘോഷിക്കുന്നത്. ജാപ്പാന്‍ സ്വദേശിയാണ് ഡോ. മിഷ്യാകി തകാഹഷി.
ചിക്കന്‍പോക്‌സിനെയും അതിനെതിരായ വാക്‌സിനേഷന്‍ ചികിത്സയെയും സൂചിപ്പിക്കുന്ന പ്രതീകാത്മക ചിത്രങ്ങളാണ് ഫെബ്രുവരി 17ലെ ഗൂഗിള്‍ ഡൂഡിളിലുള്ളത്.
ടോക്യോ കേന്ദ്രീകരിച്ച് പ്രവര്‍ത്തിക്കുന്ന ആര്‍ടിസ്റ്റ് താട്‌സുരൊ ക്യുചി ആണ് ഡൂഡിള്‍ ഡിസൈന്‍ ചെയ്തിരിക്കുന്നത്.
