കിട്ടിയിരുന്നെങ്കില്‍ ചരിത്രത്തിലെ ആദ്യ മെഡല്‍; അതിഥിയെ അഭിനന്ദിച്ച് പ്രധാനമന്ത്രി
സ്പോര്‍ട്സ് ഡെസ്‌ക്
Saturday, 7th August 2021, 2:09 pm
2020 ടോക്കിയോ ഒളിംപിക്സില്‍ ഇന്ത്യയുടെ അപ്രതീക്ഷിത മുന്നേറ്റമായിരുന്നു ഗോള്‍ഫില്‍ കണ്ടത്. 23 വയസ്സുള്ള അതിഥി അശോകിലൂടെയാണ് ഇന്ത്യ ചരിത്രത്തിലാദ്യമായി ഒളിംപിക്സ് ഗോള്‍ഫ് മത്സരത്തിന്റെ അവസാന റൗണ്ട് വരെയെത്തുന്നത്.
അവസാന നിമിഷം വരെ മെഡല്‍ പ്രതീക്ഷ പുലര്‍ത്തിയ അതിഥിക്ക് ഒടുവില്‍ നാലാം സ്ഥാനം കൊണ്ട് തൃപ്തിപ്പെടേണ്ടി വരികയായിരുന്നു. എങ്കിലും അതിഥിയുടെ മികച്ച പ്രകടനത്തിന് പല കോണുകളില്‍ നിന്നും അഭിനന്ദന പ്രവാഹമാണ്.
അതിഥിയുടെ പ്രകടനത്തെ അഭിനന്ദിച്ച് പ്രധാനമന്ത്രി നരേന്ദ്ര മോദി ട്വീറ്റ് ചെയ്തു. ഒപ്പം അതിഥിയുടെ ഭാവിജീവിതത്തിന് ആശംസകളും നേര്‍ന്നു.
തന്റെ കരിയറിലെ ഏറ്റവും മികച്ച പ്രകടനമാണ് അതിഥി ടോക്കിയോയില്‍ കാഴ്ചവച്ചത്. 2016 റിയോ ഒളിംപിക്സില്‍ 41ാം സ്ഥാനത്ത് ഫിനിഷ് ചെയ്ത അതിഥി ടോക്കിയോയില്‍ അത് നാലാം സ്ഥാനമാക്കി മെച്ചപ്പെടുത്തി.
