ഓസീസ് ടീമിലെ താരമാണ് ഇപ്പോഴവന്റെ കൂട്ട്, അത് ഇന്ത്യക്ക് ഗുണം ചെയ്യും; പൂജാരയെ കുറിച്ച് ഗവാസ്‌കര്‍
സ്പോര്‍ട്സ് ഡെസ്‌ക്
Thursday, 1st June 2023, 2:29 pm
ലോക ടെസ്റ്റ് ചാമ്പ്യന്‍ഷിപ്പിന്റെ ഫൈനലിനാണ് ക്രിക്കറ്റ് ലോകം ഒന്നടങ്കം കാത്തിരിക്കുന്നത്. ഇന്ത്യയും ഓസ്‌ട്രേലിയയും കൊമ്പുകോര്‍ക്കുമ്പോള്‍ ഫലം പ്രവചനാതീതമാണ്. ടെസ്റ്റ് ഫോര്‍മാറ്റിലെ ഭീമന്‍മാരുടെ കൊമ്പുകോര്‍ക്കല്‍ തന്നെയാണ് കായിക രംഗത്തെ ചൂടുള്ള ചര്‍ച്ചാ വിഷയങ്ങളിലൊന്നും.
ബോര്‍ഡര്‍ – ഗവാസ്‌കര്‍ ട്രോഫിയിലെ ഡോമിനന്‍സ് ആവര്‍ത്തിക്കാനാണ് ഇന്ത്യയൊരുങ്ങുന്നത്. അങ്ങനെയെങ്കില്‍ കാലങ്ങള്‍ക്ക് ശേഷം ഐ.സി.സിയുടെ അംഗീകാരം ഇന്ത്യയെ തേടിയെത്തും.
എന്നാല്‍ ഇന്ത്യന്‍ മണ്ണില്‍ ഇന്ത്യയോടേറ്റ പരാജയത്തിന് എന്ത് വിലകൊടുത്തും തിരിച്ചടിക്കണമെന്നാണ് ഓസീസ് കണക്കുകൂട്ടുന്നത്. ബോര്‍ഡര്‍ – ഗവാസ്‌കര്‍ ട്രോഫിയിലേറ്റ പരാജയത്തിന് കണക്കുതീര്‍ക്കുക ഓവലില്‍ വെച്ചായിരിക്കുമെന്ന് ഓസീസ് ആരാധകര്‍ അന്നേ ഇന്ത്യയെ വെല്ലുവിളിച്ചിരുന്നു.
