മണിപ്പൂരിലെ ഖാമെന്‍ലോകില്‍ രൂക്ഷമായ വെടിവെപ്പ്; ഒമ്പത് പേര്‍ കൊല്ലപ്പെട്ടു; നിരവധി പേര്‍ക്ക് പരിക്ക്
ഡൂള്‍ന്യൂസ് ഡെസ്‌ക്
Wednesday, 14th June 2023, 11:40 am
ഇംഫാല്‍: മണിപ്പൂരില്‍ ഏറ്റവും പുതിയ സംഘര്‍ഷത്തില്‍ ഒമ്പത് പേര്‍ കൊല്ലപ്പെട്ടതായി റിപ്പോര്‍ട്ട്. ഇന്നലെ രാത്രി ഖാമെന്‍ലോകിലാണ് വെടിവെപ്പ് ഉണ്ടായതെന്നും നിരവധി പേര്‍ക്ക് പരിക്കേറ്റെന്നും എന്‍.ഡി.ടി.വി റിപ്പോര്‍ട്ട് ചെയ്തത്.
തുടര്‍ന്ന് മണിപ്പൂരിലെ വിവിധ ജില്ലകളില്‍ കര്‍ഫ്യൂ പുനസ്ഥാപിച്ചതായി സര്‍ക്കാര്‍ അറിയിച്ചു. ഇന്നലെയും ഒരാള്‍ സുരക്ഷാ സേനയുടെ വെടിയേറ്റ് മരിക്കുകയും 11 പേര്‍ക്ക് പരിക്കേല്‍ക്കുകയും ചെയ്തിരുന്നു.
ബിഷ്ണുപൂരിലാണ് ഒരു അക്രമിയെ സൈന്യം വെടിവെച്ച് കൊന്നത്. മെയ്തി ഭൂരിപക്ഷമുള്ള ഇംഫാല്‍ ഈസ്റ്റ് ജില്ലയുടെയും കുക്കികള്‍ പാര്‍ക്കുന്ന കാങ്‌പോക്പി ജില്ലയുടെയും അതിര്‍ത്തിയിലുണ്ടായ ഏറ്റുമുട്ടലില്‍ ഒമ്പത് പേര്‍ക്ക് പരിക്കേറ്റിരുന്നു.
