നാല് മാസത്തെ കാത്തിരിപ്പ്; ഒടുവില്‍ പുതിയ എപ്പിസോഡുമായി ഒതളങ്ങ തുരുത്ത്; പാണ്ടി പൂട്ട് വൈറല്‍
എന്റര്‍ടെയിന്‍മെന്റ് ഡെസ്‌ക്
Friday, 28th May 2021, 8:01 pm
കൊച്ചി: നാല് മാസത്തെ കാത്തിരിപ്പിനൊടുവില്‍ ഒതളങ്ങ തുരുത്തിന്റെ പുതിയ എപ്പിസോഡ് എത്തി. പാണ്ടി പൂട്ട് എന്ന പേരില്‍ പുറത്തിറങ്ങിയ എപ്പിസോഡ് ഇതിനോടകം വൈറലായിട്ടുണ്ട്.
പുതിയ ഒരു മിഷനില്‍ ഏര്‍പ്പെട്ട നത്തിന്റെ കഥയാണ് എപ്പിസോഡില്‍ പറയുന്നത്. കൊല്ലം കരുനാഗപ്പിള്ളിക്കാരനായ അംബുജിയാണ് ഒതളങ്ങ തുരുത്തിന്റെ കഥയും സംഭാഷണവും ഒരുക്കിയിരിക്കുന്നത്.
2019 ആഗസ്റ്റിലാണ് ഒതളങ്ങ തുരുത്തിന്റെ ആദ്യ എപ്പിസോഡ് പുറത്തിറങ്ങിയത്. പപ്പന്റെ ഭായിയമര്‍ദനം എന്ന എപ്പിസോഡ് സീരിസ് പ്രേമികള്‍ ഇരുകൈയ്യും നീട്ടി സ്വീകരിക്കുകയായിരുന്നു.
നല്ല നാടന്‍ വെബ് സീരിസ് എന്ന ടാഗ് കൃത്യം ചേരുന്നതാണ് ഒതളങ്ങ തുരുത്ത്. അഭിനേതാക്കളുടെയും തിരക്കഥയുടെയും സ്വാഭാവികത പോലെ തന്നെ കിടിലന്‍ ടെക്‌നിക്കല്‍ പെര്‍ഫക്ഷനും ചേരുന്നതാണ് സീരിസിന്റെ പ്രധാന ആകര്‍ഷണം.
