നാഗാലാന്റിനെ ഇന്ത്യക്ക് 'പുറത്താക്കിയ' സംഭവത്തില്‍ മാപ്പ് പറഞ്ഞ് ഫ്‌ളിപ്കാര്‍ട്ട്
ഡൂള്‍ന്യൂസ് ഡെസ്‌ക്
Friday, 9th October 2020, 7:49 pm
കൊഹിമ: നാഗാലാന്റ് ഇന്ത്യയ്ക്ക് പുറത്താണെന്ന വിവാദ പ്രസ്താവനയില്‍ ക്ഷമ ചോദിച്ച് ഫ്‌ളിപ്കാര്‍ട്ട്.
തങ്ങളുടെ ഭാഗത്ത് നിന്നുണ്ടായ പിശകില്‍ ഖേദിക്കുന്നുവെന്നാണ് സംഭവത്തില്‍ ഫ്‌ളിപ്കാര്‍ട്ട് പ്രതികരിച്ചത്.
” നാഗാലാന്റിലെ പ്രദേശങ്ങള്‍ ഉള്‍പ്പെടെ രാജ്യത്തുടനീളം സേവനക്ഷമത ഉറപ്പാക്കാന്‍ ഞങ്ങള്‍ ശ്രമിക്കുന്നു. നിങ്ങളുമായി കണക്റ്റുചെയ്യുന്നതിനും നിലവില്‍ ലഭ്യമായ ഓപ്ഷനുകള്‍ നല്‍കുന്നതിനും ഞങ്ങള്‍ക്ക് സന്തോഷമുണ്ട്,” ഫ്‌ളിപ്കാര്‍ട്ട് സംഭവത്തില്‍ മാപ്പ് പറഞ്ഞുകൊണ്ട് പോസ്റ്റ് ചെയ്തു.
ഫ്‌ളിപ്കാര്‍ട്ട് എന്തുകൊണ്ടാണ് ഉല്‍പ്പന്നങ്ങള്‍ നാഗാലാന്റില്‍ ഡെലിവര്‍ ചെയ്യാത്തത് എന്ന ഉപഭോക്താവിന്റെ ചോദ്യത്തിന് ഔദ്യോഗിക ട്വിറ്റര്‍ ഹാന്റിലിലൂടെ ഫ്‌ളിപ്ക്കാര്‍ട്ട് നല്‍കിയ മറുപടിയാണ് വിവാദത്തിന് വഴിവെച്ചത്.
