ഐ.പി.എല്ലില്‍ കഴിഞ്ഞ ദിവസം നടന്ന സൂപ്പര്‍ പോരാട്ടത്തില്‍ റോയല്‍ ചലഞ്ചേഴ്‌സ് ബാംഗ്ലൂരിനെ കൊല്‍ക്കത്ത നൈറ്റ് റൈഡേഴ്സ് 81 റണ്‍സിന് തകര്‍ത്തിരുന്നു. 2023ലെ ഇന്ത്യന്‍ പ്രീമിയര്‍ ലീഗിലെ തങ്ങളുടെ ആദ്യ വിജയമായിരുന്നു വ്യാഴാഴ്ച
കൊല്‍ക്കത്ത നൈറ്റ് റൈഡേഴ്സ് സ്വന്തമാക്കിയത്. ബാംഗ്ലൂരിന്റെ സീസണിലെ ആദ്യ തോല്‍വിക്കും കൊല്‍ക്കത്തയില്‍ നടന്ന മത്സരം സാക്ഷിയായി.
ആദ്യം ബാറ്റ് ചെയ്ത കൊല്‍ക്കത്ത 205 റണ്‍സ് നേടിയപ്പോള്‍, രണ്ടാമതിറങ്ങിയ ബാംഗ്ലൂര്‍ 17.4 ഓവറില്‍ 123 റണ്‍സിന് എല്ലാവരും പുറത്താകുകയായിരുന്നു. ബാറ്റര്‍മാര്‍ക്കും ബൗളര്‍മാര്‍ക്കും ഒരുപോലെ തിളങ്ങാന്‍ കഴിഞ്ഞതാണ് കെ.കെ.ആര്‍ വിജയത്തിന് മാറ്റ് കൂട്ടിയത്.
History: This is the first time 9 wickets have been taken by spinners in an innings in IPL.
— Johns. (@CricCrazyJohns) April 6, 2023
Virat Kohli talking with KKR players after the game. pic.twitter.com/8XV8dfpRkE
— Johns. (@CricCrazyJohns) April 6, 2023
എന്നാല്‍ ബാംഗ്ലൂരിനെ 123 റണ്‍സിന് ഒതുക്കിയ പ്രകടനത്തില്‍ നിര്‍ണായകമായത് കൊലക്കത്തയിലെ സ്പിന്നര്‍മാരുടെ പ്രകടനമാണ്. ബാംഗ്ലൂരിന്റെ 10 വിക്കറ്റില്‍ ഒമ്പത് വിക്കറ്റും നേടിയത് സ്പിന്നര്‍മാരാണ്. 16 വര്‍ഷത്തെ ഐ.പി.എല്‍ ചരിത്രത്തില്‍ തന്നെ സ്പിന്നര്‍മാര്‍ ഒമ്പത് വിക്കറ്റ് നേടിയ സംഭവം ഇതിന് മുമ്പ് ഉണ്ടായിട്ടില്ല.
