ഡൂള്‍ന്യൂസ് ഡെസ്‌ക്1 min
ഐ.പി.എല്‍ 2025ലെ 23ാം മത്സരം ആരംഭിച്ചിരിക്കുകയാണ്. ഗുജറാത്ത് ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ നടക്കുന്ന മത്സരത്തില്‍ രാജസ്ഥാന്‍ റോയല്‍സാണ് ഹോം ടീമായ ഗുജറാത്ത് ടൈറ്റന്‍സിന്റെ എതിരാളികള്‍.
ഇരു ടീമുകളും സീസണിലെ അഞ്ചാം മത്സരമാണ് കളിക്കുന്നത്. അഹമ്മദാബാദില്‍ ടോസ് നേടിയ രാജസ്ഥാന്‍ നായകന്‍ സഞ്ജു സാംസണ്‍ എതിരാളികളെ ബാറ്റിങ്ങിനയച്ചു.
Dil vs Gill! 🔥💗 pic.twitter.com/4bu8AJGu3e
— Rajasthan Royals (@rajasthanroyals) April 9, 2025
ഏറെ നാള്‍ രാജസ്ഥാന്‍ റോയല്‍സിനൊപ്പമുണ്ടായിരുന്ന ജോസ് ബട്‌ലര്‍ രാജസ്ഥാന്‍ റോയല്‍സിനെതിരെ കളത്തിലിറങ്ങുന്ന കാഴ്ചക്കാണ് മൊട്ടേര സാക്ഷ്യം വഹിക്കുന്നത്. ഐ.പി.എല്‍ മെഗാ താരലേലത്തില്‍ രാജസ്ഥാന്‍ റോയല്‍സ് നിലനിര്‍ത്താതിരുന്നതോടെ ബട്‌ലര്‍ ഓക്ഷന്‍ പൂളിന്റെ ഭാഗമാവുകയും ഗുജറാത്ത് ടൈറ്റന്‍സ് താരത്തെ സ്വന്തമാക്കുകയുമായിരുന്നു.
ബട്‌ലറിന് പുറമെ ആര്‍. അശ്വിന്‍, യൂസ്വേന്ദ്ര ചഹല്‍, ട്രെന്റ് ബോള്‍ട്ട് എന്നിവരെയും രാജസ്ഥാന്‍ കൈവിട്ടിരുന്നു.
ഗുജറാത്തിനൊപ്പം കളത്തിലിറങ്ങുന്ന ജോസ് ബട്‌ലര്‍ ഐ.പി.എല്‍ ചരിത്രത്തില്‍ ഇതാദ്യമായാണ് രാജസ്ഥാന്‍ റോയല്‍സിനെതിരെ കളിക്കുന്നത്. 2016 മുതല്‍ ഐ.പി.എല്ലിന്റെ ഭാഗമായ ബട്‌ലര്‍ ഇതുവരെ പിങ്ക് ആര്‍മിക്കെതിരെ കളിച്ചിട്ടില്ല.
2016ല്‍ മുംബൈ ഇന്ത്യന്‍സിനൊപ്പമാണ് ബട്‌ലര്‍ ഐ.പി.എല്‍ അരങ്ങേറ്റം കുറിച്ചത്. രണ്ട് സീസണുകളിലുമായി 24 മത്സരങ്ങളില്‍ ബട്‌ലര്‍ മുംബൈക്കായി ബാറ്റെടുത്തിട്ടുണ്ട്.
എന്നാല്‍ ഈ സീസണുകളില്‍ രാജസ്ഥാന്‍ റോയല്‍സ് ഐ.പി.എല്ലിലുണ്ടായിരുന്നില്ല. മാച്ച് ഫിക്‌സിങ്ങിന്റെ ഭാഗമായി ചെന്നൈ സൂപ്പര്‍ കിങ്‌സിനൊപ്പം രാജസ്ഥാന്‍ റോയല്‍സിനും ടൂര്‍ണമെന്റില്‍ നിന്നും വിലക്ക് നേരിട്ടിരുന്നു.
വിലക്ക് നീങ്ങി 2018ല്‍ വീണ്ടും ടൂര്‍ണമെന്റിന്റെ ഭാഗമായ രാജസ്ഥാന്‍ ബട്‌ലറിനെ സ്വന്തമാക്കുകയുമായിരുന്നു.
അതേസമയം, അഹമ്മദാബാദില്‍ നടക്കുന്ന മത്സരം നാല് ഓവര്‍ പൂര്‍ത്തിയാകുമ്പോള്‍ ഒരു വിക്കറ്റ് നഷ്ടത്തില്‍ 31 എന്ന നിലയിലാണ് ടൈറ്റന്‍സ്. 14 പന്തില്‍ 20 റണ്‍സുമായി സായ് സുദര്‍ശനും ഏഴ് പന്തില്‍ എട്ട് റണ്‍സുമായി ജോസ് ബട്‌ലറുമാണ് ക്രീസില്‍.
മൂന്ന് പന്തില്‍ രണ്ട് റണ്‍സ് നേടിയ ക്യാപ്റ്റന്‍ ശുഭ്മന്‍ ഗില്ലിന്റെ വിക്കറ്റാണ് ടൈറ്റന്‍സിന് നഷ്ടമായത്. ജോഫ്രാ ആര്‍ച്ചറിന്റെ പന്തില്‍ ക്ലീന്‍ ബൗള്‍ഡായാണ് ഗില്‍ പുറത്തായത്.
Hey Alexa, play Jofra
Alexa: Sorry, Jofra is… pic.twitter.com/ITLd6NM9Q3
— Rajasthan Royals (@rajasthanroyals) April 9, 2025
ഗുജറാത്ത് ടൈറ്റന്‍സ് പ്ലെയിങ് ഇലവന്‍
സായ് സുദര്‍ശന്‍, ശുഭ്മന്‍ ഗില്‍ (ക്യാപ്റ്റന്‍), ജോസ് ബട്‌ലര്‍ (വിക്കറ്റ് കീപ്പര്‍), ഷെര്‍ഫാന്‍ റൂഥര്‍ഫോര്‍ഡ്, ഷാരൂഖ് ഖാന്‍, രാഹുല്‍ തെവാട്ടിയ, റാഷിദ് ഖാന്‍, അര്‍ഷദ് ഖാന്‍, രവിശ്രീനിവാസന്‍ സായ് കിഷോര്‍, മുഹമ്മദ് സിറാജ്, പ്രസിദ്ധ് കൃഷ്ണ.
A 𝐆ri𝐓ty line-up for the battle! 🔥 pic.twitter.com/RzuXFOJwW8
— Gujarat Titans (@gujarat_titans) April 9, 2025
രാജസ്ഥാന്‍ റോയല്‍സ് പ്ലെയിങ് ഇലവന്‍
യശസ്വി ജെയ്‌സ്വാള്‍, സഞ്ജു സാംസണ്‍ (ക്യാപ്റ്റന്‍, വിക്കറ്റ് കീപ്പര്‍), നിതീഷ് റാണ, റിയാന്‍ പരാഗ്, ധ്രുവ് ജുറെല്‍, ഷിംറോണ്‍ ഹെറ്റ്‌മെയര്‍, ജോഫ്രാ ആര്‍ച്ചര്‍, മഹീഷ് തീക്ഷണ, ഫസല്‍ഹഖ് ഫാറൂഖി, സന്ദീപ് ശര്‍മ, തുഷാര്‍ ദേശ്പാണ്ഡേ.
Two changes in Ahmedabad! 👊🏻
Tushar is back and Fazalhaq replaces Hasaranga who is unavailable due to personal reasons as we take on the Titans in Gujarat!@NEOM | #GTvRR pic.twitter.com/XM6WORvwS8
— Rajasthan Royals (@rajasthanroyals) April 9, 2025
Content Highlight: IPL 2025: GT vs RR: Jos Buttler to play 1st ever fame against Rajasthan Royals in IPL
