ജേഴ്‌സി കഴുകാനാണ് ഇവനെയൊക്കെ ദൈവം സൃഷ്ടിച്ചത്, ചിരിപ്പിക്കാനായിട്ട് ഓരോന്ന് വന്നോളും; മത്സരത്തിന് ശേഷം ഇംഗ്ലണ്ട് താരം എയറില്‍
സ്പോര്‍ട്സ് ഡെസ്‌ക്
Tuesday, 27th September 2022, 8:37 am
ഇംഗ്ലണ്ട്-ജര്‍മനി നേഷന്‍സ് ലീഗ് മത്സരം സമനിലയില്‍ പിരിഞ്ഞിരുന്നു. ഗോള്‍ മഴ പെയ്ത മത്സരത്തില്‍ ഇരു ടീമുകളും മൂന്ന് ഗോള്‍ വീതം നേടി.
മത്സരം സമനിലയിലായതോട് കൂടി വിജയമില്ലാത്ത ആറാം മത്സരമാണ് ഇംഗ്ലണ്ടിന്റേത്. ലൂക് ഷായും മേസണ്‍ മൗണ്ടും ഹാരി കെയ്‌നുമാണ് ത്രീ ലയണ്‍സിനായി ഗോള്‍ നേടിയത്. നിക്ക് പോപിന്റെ ഒരു മണ്ടത്തരമാണ് ഇംഗ്ലണ്ടിനെ മത്സരം വിജയിക്കുന്നതില്‍ നിന്നും തടഞ്ഞത്. നേഷന്‍സ് ലീഗിലെ ആറ് മത്സരത്തിലും ഇംഗ്ലണ്ടിന് വിജയിക്കാന്‍ സാധിച്ചില്ല.
ജര്‍മനിക്കായി ഹവേര്‍ട്‌സ് രണ്ട് ഗോള്‍ നേടിയപ്പോള്‍ ഗുണ്ടോഗന്‍ ഒരു ഗോള്‍ നേടി. മത്സരത്തിന് ശേഷം ഇംഗ്ലണ്ട് ഡിഫന്‌സ് താരം ഹാരി മഗ്വെയറിനെ തേടി ഒരുപാട് ട്രോളുകളാണെത്തിയത്. വളരെ മോശം പ്രകടനമായിരുന്നു ഇംഗ്ലണ്ടിനെതിരെ അദ്ദേഹം നടത്തിയത്.
