ബി.സി.സി.ഐ നിങ്ങളെ തഴഞ്ഞുകൊണ്ടേയിരിക്കും, ദയവായി അയര്‍ലാന്‍ഡിന് വേണ്ടി കളിക്കൂ; യുവതാരത്തിനോട് അപേക്ഷയുമായി ആരാധകര്‍
സ്പോര്‍ട്സ് ഡെസ്‌ക്
Wednesday, 28th December 2022, 1:15 pm
ഇന്ത്യയുടെ രണ്ട് പ്രധാന പരമ്പരകള്‍ നടക്കാനുണ്ടെന്നിരിക്കെ ആരാധകര്‍ ഏറെ പ്രതീക്ഷയോടെയായിരുന്നു യുവതാരം പൃഥ്വി ഷായെ ടീമില്‍ ഉള്‍പ്പെടുത്തുന്നത് കാണാനായി കാത്തിരുന്നത്. എന്നാല്‍ എപ്പോഴത്തേയും പോലെ നിരാശപ്പെടാനായിരുന്നു ആരാധകരുടെ വിധി.
പൃഥ്വി ഷാ അടക്കമുള്ള നിരവധി താരങ്ങളെ അവഗണിച്ചുകൊണ്ടായിരുന്നു ബി.സി.സി.ഐയും സെലക്ടര്‍മാരും സ്‌ക്വാഡ് പ്രഖ്യാപിച്ചത്. നാളുകളേറെയായി നാഷണല്‍ ജേഴ്‌സി അന്യമായ ഷായുടെ തിരിച്ചുവരവിന് കാത്തിരുന്ന ആരാധകര്‍ക്കും പൂര്‍ണമായ നിരാശയായിരുന്നു ഫലം.
കഴിഞ്ഞ വര്‍ഷം ജൂലൈയിലായിരുന്നു ഷാ അവസാനമായി ഇന്ത്യന്‍ ജേഴ്‌സിയണിഞ്ഞത്. അടുത്ത വിരേന്ദര്‍ സേവാഗ് എന്ന് വിശേഷിപ്പിക്കപ്പെട്ട ഷാ ഇന്ത്യന്‍ ക്രിക്കറ്റിന്റെ ഭാവിയായി പോലും വിലയിരുത്തപ്പെട്ടിരുന്നു.
