കെ.കെ. ശൈലജയുടെ ചിത്രം ഫേസ്ബുക്ക് പ്രൊഫൈല്‍ പിക്ക് ആക്കി ഫഹദ് ഫാസില്‍
എന്റര്‍ടെയിന്‍മെന്റ് ഡെസ്‌ക്
Monday, 9th November 2020, 5:43 pm
കൊച്ചി: ആരോഗ്യമന്ത്രി കെ.കെ. ശൈലജയുടെ ചിത്രം പ്രൊഫൈല്‍ പിക്ക് ആക്കി നടന്‍ ഫഹദ് ഫാസില്‍.
അന്താരാഷ്ട്ര ഫാഷന്‍ മാഗസിനായ വോഗിന്റെ ഇന്ത്യന്‍ പതിപ്പിന്റെ കവര്‍ പേജില്‍ സംസ്ഥാന ആരോഗ്യമന്ത്രി കെ.കെ. ശൈലജ. വുമണ്‍ ഓഫ് ദ ഇയര്‍ 2020 എന്ന ക്യാപ്ഷനോടെ കെ.കെ ശൈലജയുടെ കവര്‍ ഫോട്ടോ പ്രസിദ്ധീകരിച്ചിരുന്നു.
ഈ ചിത്രമാണ് ഫഹദ് തന്റെ പ്രൊഫൈല്‍ പിക്ക് ആക്കിയിരിക്കുന്നത്.
കൊവിഡ് എന്ന മഹാമാരിയെ സംസ്ഥാന ആരോഗ്യ മേഖലയുടെ മുന്നില്‍ നിന്ന് അതിജീവിക്കുന്നതുമായി ബന്ധപ്പെട്ട് കെ.കെ ശൈലജ വോഗിന് അഭിമുഖവും നല്‍കിയിട്ടുണ്ട്.
‘ ഭയപ്പെടാനുള്ള സമയം ഇല്ല. ഭയത്തേക്കാളധികം ഈ പ്രതിസന്ധിയില്‍ ഇടപെടുന്നത് എനിക്ക് ആവേശകരമായിരുന്നു,’ കെ.കെ ശൈലജ വോഗിനോട് പറഞ്ഞു.
