വാഷിങ്ടൺ: ഭൂമിയിലെ ശുദ്ധജലത്തിന്റെ അളവ് ക്രമാതീതമായി കുറയുന്നതായി കണ്ടെത്തൽ. നാസ-ജർമ്മൻ സാറ്റലൈറ്റ് ഡാറ്റ ഉപയോഗിച്ചുള്ള ഒരു പുതിയ പഠനമാണ് മെയ് 2014 മുതൽ ഭൂമിയുടെ ശുദ്ധജല സ്രോതസ്സുകളിൽ അമ്പരപ്പിക്കുന്ന ഇടിവ് ഉണ്ടായതായി കണ്ടെത്തിയത്.

ഭൂമിയുടെ ഭൂഖണ്ഡങ്ങൾ ഒരു നീണ്ട വരണ്ട ഘട്ടത്തിലേക്ക് പ്രവേശിക്കുകയാണെന്നാണ് സർവേസ് ഇൻ ജിയോഫിസിക്‌സിൽ പ്രസിദ്ധീകരിച്ച ഗവേഷണം സൂചിപ്പിക്കുന്നത്. ഇത് ആഗോള ജലസുരക്ഷയെക്കുറിച്ചുള്ള ആശങ്കകൾ ഉയർത്തുന്നു.

2015 മുതൽ 2023 വരെ ഉപരിതല ജലവും ഭൂഗർഭ ജലാശയങ്ങളും ഉൾപ്പെടെ, കരയിൽ സംഭരിച്ചിരിക്കുന്ന ശുദ്ധജലത്തിൻ്റെ ശരാശരി അളവ് 2002-2014 ലെ ശരാശരിയേക്കാൾ 290 ക്യുബിക് മൈൽ കുറവായിരുന്നു. നാസയിലെ ജലശാസ്ത്രജ്ഞനും പഠന സഹ-രചയിതാവുമായ മാത്യു റോഡെൽ ഈ നഷ്ടം ഈറി തടാകത്തിൻ്റെ രണ്ടര ഇരട്ടിയോളം ഉണ്ടാകുമെന്ന് പറയുന്നു.

ബ്രസീലിലെ കടുത്ത വരൾച്ചയോടെയാണ് ഈ ഇടിവ് ആരംഭിച്ചത്, തുടർന്ന് ഒന്നിലധികം ഭൂഖണ്ഡങ്ങളിലുടനീളം വലിയ വരൾച്ചയുണ്ടായി. ഗവേഷകർ ഇതിനുള്ള കാരണമായി പറയുന്നത് ഉയരുന്ന സമുദ്ര താപനിലയുമായും 2014 മുതൽ 2016 വരെയുള്ള എൽ നിനോ പ്രതിഭാസങ്ങളുമാണെന്നാണ്. എൽ നിനോ ശമിച്ച ശേഷവും, ആഗോള ശുദ്ധജലനിരപ്പ് വീണ്ടെടുക്കപ്പെട്ടില്ല.

ഈ നിരന്തരമായ ജലശോഷണത്തിന് കാലാവസ്ഥാ വ്യതിയാനം ഒരു പ്രധാന കാരണമാണ്. ആഗോളതാപനം അന്തരീക്ഷത്തിലെ ജലബാഷ്പത്തിൻ്റെ അംശം വർദ്ധിപ്പിക്കുന്നു, ഇത് കൂടുതൽ തീവ്രമായ മഴയ്ക്ക് കാരണമാകുന്നു.

മഴയ്‌ക്കിടയിലുള്ള വരണ്ട കാലങ്ങൾ മണ്ണിനെ ഫലപ്രദമായി വെള്ളം ആഗിരണം ചെയ്യുന്നതിൽ നിന്ന് തടയുകയും ഭൂഗർഭജല നികത്തൽ കുറയ്ക്കുകയും ചെയ്യുന്നു.

ഈ ശുദ്ധജലശോഷണത്തിൻ്റെ അനന്തരഫലങ്ങൾ ദൂരവ്യാപകമാണ്. വരൾച്ചക്കാലത്ത്, കൃഷിക്കും നഗര ഉപയോഗത്തിനും ഭൂഗർഭജലത്തെ ആശ്രയിക്കുന്നത് ജലവിതരണം കുറയുന്നതിൻ്റെകാരണമാകുന്നു.

ജലസ്രോതസ്സുകളിലെ ഈ ക്ഷാമം, സംഘർഷങ്ങൾ, ദാരിദ്ര്യം, രോഗസാധ്യത വർധിക്കാൻ എന്നിവക്ക് സാധ്യതയുണ്ട്. ജി.ആർ.എ.സി.ഇ നിരീക്ഷിച്ച ഏറ്റവും തീവ്രമായ 30 വരൾച്ചകളിൽ 13 എണ്ണവും 2015 മുതൽ സംഭവിക്കുന്നതിനാൽ, ആഗോള ശുദ്ധജല ലഭ്യതയുടെ ഭാവി അനിശ്ചിതത്വത്തിലാണ്.

Content Highlight: Earth is abruptly losing its freshwater, satellite notices gravity fluctuations