ന്യൂദല്‍ഹി: ഇന്ത്യയിലെ 11 ഭാഷകളില്‍ മോദിക്കെതിരെ പോസ്റ്റര്‍ കാംപയിനുമായി ആം ആദ്മി. മോദിയെ പുറത്താക്കൂ, ഇന്ത്യയെ രക്ഷിക്കൂ എന്ന് കഴിഞ്ഞ ദിവസം ദല്‍ഹിയില്‍ പതിപ്പിച്ച പോസ്റ്ററില്‍ നടപടിയെടുത്തതിന് പിന്നാലെയാണ് പുതിയ കാമ്പയിനുമായി ആം ആദ്മി രംഗത്തെത്തിയിരിക്കുന്നത്.
”ഇന്ത്യയിലെ പ്രധാനമന്ത്രിക്ക് വിദ്യാഭ്യാസം വേണ്ടേ’, എന്ന പോസ്റ്ററുകളാണ് ഇപ്പോള്‍ പ്രചരിക്കുന്നത്‌.
क्या भारत के PM पढ़े-लिखे होने चाहिए? https://t.co/dbjU1Z6EI5
— AAP (@AamAadmiParty) March 30, 2023
കഴിഞ്ഞ വിഷയത്തില്‍ പൊലീസ് 100 എഫ്.ഐ.ആര്‍ എടുക്കുകയും ആറ് പേരെ അറസ്റ്റ് ചെയ്യുകയും ചെയ്തിരുന്നു.
‘ വ്യാഴാഴ്ച മുതല്‍ ആം ആദ്മി പാര്‍ട്ടി രാജ്യത്തുടനീളം പോസ്റ്ററുകള്‍ പ്രദര്‍ശിപ്പിക്കും. ഓരോ സംസ്ഥാനത്തെയും യൂണിറ്റുകള്‍ക്ക് അതത് സംസ്ഥാനത്ത് പോസ്റ്റര്‍ പതിപ്പിക്കുന്നതിന് നിര്‍ദേശം നല്‍കിയിട്ടുണ്ട്. പോസ്റ്ററുകള്‍ 11 ഭാഷകളില്‍ അച്ചടിച്ചിട്ടുണ്ട്,’ ആം ആദ്മി നേതാവ് ദല്‍ഹി പരിസ്ഥിതി മന്ത്രിയുമായ ഗോപാല്‍ റായി വാര്‍ത്താ ഏജന്‍സിയായ പി.ടി.ഐയോട് പറഞ്ഞു.
मोदी सरकार की तानाशाही चरम पर है‼️
इस Poster में ऐसा क्या आपत्तिजनक है जो इसे लगाने पर मोदी जी ने 100 F.I.R. कर दी?
PM Modi, आपको शायद पता नहीं पर भारत एक लोकतांत्रिक देश है।
एक पोस्टर से इतना डर! क्यों? pic.twitter.com/RLseE9Djfq
— AAP (@AamAadmiParty) March 22, 2023
അതേസമയം കഴിഞ്ഞ ദിവസം ‘കെജിരിവാളിനെ പുറത്താക്കൂ, ദല്‍ഹിയെ രക്ഷിക്കൂ’ എന്ന പോസ്റ്റര്‍ ബി.ജെ.പിയും പതിപ്പിച്ചിരുന്നു.
സ്വാതന്ത്യ സമരകാലത്ത് ബ്രിട്ടീഷുകാര്‍ക്കെതിരെ പോസ്റ്റര്‍ പതിപ്പിച്ചിട്ടും അവര്‍ ആരെയും അറസ്റ്റ് ചെയ്തിട്ടില്ലെന്ന് ദല്‍ഹി മുഖ്യമന്ത്രി അരവിന്ദ് കെജ്‌രിവാള്‍ പറഞ്ഞു.
‘സ്വാതന്ത്ര്യത്തിന് മുമ്പ് സമരസേനാനികള്‍ പോസ്റ്ററുകള്‍ പ്രചരിപ്പിച്ചിരുന്നു. എന്നാല്‍ അവര്‍ക്കെതിരെ ബ്രിട്ടീഷുകാര്‍ കേസെടുക്കുകയോ എഫ്.ഐ.ആര്‍ ചുമത്തുകയോ ചെയ്തിട്ടില്ല.
ബ്രിട്ടീഷ് നയങ്ങള്‍ക്കെതിരെ ഭഗത് സിങ് പോസ്റ്ററുകള്‍ പതിപ്പിച്ചിട്ടുണ്ടായിരുന്നു. എന്നാല്‍ അതിന്റെ പേരില്‍ ഒരു എഫ്.ഐ.ആറും അദ്ദേഹത്തിനെതിരെ ഉണ്ടായിട്ടില്ല,’ കെജ്‌രിവാള്‍ പറഞ്ഞു.
രണ്ട് പ്രിന്റിങ് പ്രസ് മുതലാളിമാരായ ആറ് പേരെയാണ് വിവിധ വകുപ്പുകള്‍ ചുമത്തി അറസ്റ്റ് ചെയ്തത്.
അതേസമയം പൊതുമുതല്‍ നശിപ്പിച്ചതാണ് കേസെന്നും പോസ്റ്ററുകളില്‍ പ്രിന്റിങ് പ്രസിന്റെ പേരില്ലെന്നും പൊലീസ് പറഞ്ഞു.
content highlight: ‘Does the Prime Minister of India not need education?’ Aam Aadmi with poster campaign in 11 language
