'ആ സിനിമ പരാജയപ്പെട്ടതോടെ ഇനി സിനിമയ്ക്ക് വേണ്ടി എഴുതില്ല എന്ന് തീരുമാനിച്ചു' ; സിദ്ദിഖ് പറയുന്നു
എന്റര്‍ടെയിന്‍മെന്റ് ഡെസ്‌ക്
Tuesday, 21st September 2021, 10:40 am
മലയാളത്തിന്റെ പ്രിയപ്പെട്ട സംവിധായകരാണ് സിദ്ദിഖും ലാലും. റാംജിറാവ് സ്പീക്കിങ്ങ്, ഇന്‍ ഹരിഹര്‍ നഗര്‍, ഗോഡ്ഫാദര്‍, കാബൂളിവാല, ഫ്രണ്ട്‌സ് തുടങ്ങി എണ്ണിയാലൊടുങ്ങാത്ത ഹിറ്റുകളാണ് ഈ കൂട്ടുകെട്ട് മലയാളത്തിന് സമ്മാനിച്ചത്.
നിരവധി ഹിറ്റ് ചിത്രങ്ങള്‍ക്ക് തിരക്കഥകളൊരുക്കിയ ഇവര്‍ ഒരു ഘട്ടത്തില്‍ എഴുത്ത് നിര്‍ത്താമെന്ന് തീരുമാനിച്ചതായി സിദ്ദിഖ് പറയുന്നു. കൈരളി ടി.വിയ്ക്ക് നല്‍കിയ അഭിമുഖത്തിലാണ് സിദ്ദിഖ് ഇക്കാര്യം വെളിപ്പെടുത്തുന്നത്.
മോഹന്‍ലാല്‍, റഹ്മാന്‍ തുടങ്ങിയവര്‍ വേഷമിട്ട പപ്പന്‍ പ്രിയപ്പെട്ട പപ്പന്‍ എന്ന ചിത്രത്തിനാണ് തങ്ങള്‍ ആദ്യമായി കഥയൊരുക്കിയത് എന്നാണ് സിദ്ദിഖ് പറയുന്നത്. എന്നാല്‍ ചിത്രം വേണ്ട പോലെ ശ്രദ്ധിക്കപ്പെട്ടില്ല എന്നും സിദ്ദിഖ് പറഞ്ഞു.
