ഷാജി കൈലാസിന് 56ാം ജന്മദിനം; ആശംസകളുമായി മോഹന്‍ലാലും പൃഥ്വിരാജും ആന്റണിയും; ഒരുമിച്ചുള്ള സിനിമ എപ്പോഴെന്ന് ആരാധകര്‍ ?
എന്റര്‍ടെയിന്‍മെന്റ് ഡെസ്‌ക്
Monday, 8th February 2021, 1:34 pm
കൊച്ചി: മലയാളത്തിലെ ഹിറ്റ് സംവിധായകന്‍ ഷാജി കൈലാസിന്റെ 56ാം ജന്മദിനത്തില്‍ ആശംസകളുമായി മോഹന്‍ലാല്‍. വീഡിയോ ആയിട്ടാണ് മോഹന്‍ലാല്‍ ആശംസകള്‍ അറിയിച്ചിരിക്കുന്നത്.
ഹലോ ഷാജി, ഇന്ന് ബെര്‍ത്ത് ഡേയാണ്. ഹാപ്പി ബെര്‍ത്ത്‌ഡേ, ഒരുപാടു സ്‌നേഹത്തോടെ ഒരുപാട് പ്രാര്‍ത്ഥനയോടെ ഹാപ്പി ബെര്‍ത്ത് ഡേ എന്നാണ് മോഹന്‍ലാല്‍ വീഡിയോയില്‍ പറഞ്ഞിരിക്കുന്നത്.
ഷാജി കൈലാസ് തന്നെയാണ് വീഡിയോ സോഷ്യല്‍ മീഡിയയിലൂടെ പങ്കുവെച്ചത്. എന്റെ ജീവിതത്തിലെ മനോഹരമായ ദിവസം. ഞാനേറെ ഇഷ്ടപ്പെടുന്നയാളില്‍ നിന്നുള്ള ആശംസ. ആശംസകള്‍ക്കും പ്രാര്‍ത്ഥനകള്‍ക്കും വളരെയധികം നന്ദി ലാല്‍ജി എന്ന കുറിപ്പോടെയാണ് ഷാജി കൈലാസ് വീഡിയോ പങ്കുവെച്ചിരിക്കുന്നത്.
