മാധ്യമസ്ഥാനപനങ്ങളിലെ ശമ്പള നിഷേധം; കേരള പത്ര പ്രവര്‍ത്തക യൂണിയന് ഹൈക്കോടതിയില്‍ ഹരജി നല്‍കി
ഡൂള്‍ന്യൂസ് ഡെസ്‌ക്
Friday, 19th June 2020, 3:55 pm
കൊച്ചി: സംസ്ഥാനത്തെ പന്ത്രണ്ട് മാധ്യമ സ്ഥാപനങ്ങളിലെ ശമ്പള നിഷേധത്തിന് എതിരായ റിട്ട് ഹരജി ഹൈക്കോടതിയില്‍ ഫയലില്‍ സ്വീകരിച്ചു. ദൃശ്യമാധ്യമങ്ങള്‍ ഉള്‍പ്പെടെ ശമ്പളം വെട്ടികുറച്ച നടപടിയേയും ഹരജിയില്‍ ചോദ്യം ചെയ്തിട്ടുണ്ട്.
കേരള പത്രപ്രവര്‍ത്തക യൂണിയന് ജനറല്‍ സെക്രട്ടറി ഇ. എസ് സുഭാഷാണ് ഹരജി ഫയല്‍ ചെയ്തത്. നേരത്തെ യൂണിയന് കൂടി മുന്‍കൈയെടുത്ത് ലോക്ക്ഡൗണ്‍ കാലയളവില്‍ 53 കോടി രൂപ മാധ്യമങ്ങള്‍ക്ക് പരസ്യകുടിശ്ശികയിനത്തില്‍ കൈമാറിയിരുന്നു.
ഈ തുക ജീവനക്കാര്‍ക്ക് ശമ്പള കുടിശ്ശികയിനത്തില്‍ കൈമാറണമെന്ന് മുഖ്യമന്ത്രി പിണറായി വിജയന്‍ അഭ്യര്‍ഥിച്ചെങ്കിലും ഭൂരിഭാഗം മാനേജുമെന്റുകള്‍ ഇതിനു തയ്യാറായിരുന്നില്ല. ഇതേ തുടര്‍ന്നാണ് യൂണിയന് കോടതിയെ സമീപിച്ചത്.
