'വെജ് ബിരിയാണിയില്‍ ചിക്കന്റെ എല്ല്'; ഹോട്ടലുടമക്കെതിരെ മതവികാരം വൃണപ്പെടുത്തിയതിന് കേസ്
ഡൂള്‍ന്യൂസ് ഡെസ്‌ക്
Wednesday, 28th December 2022, 6:46 pm
ഇന്‍ഡോര്‍: ഓര്‍ഡര്‍ ചെയ്ത വെജ് ബിരിയാണിയില്‍ ചിക്കന്റെ എല്ല് കണ്ടെത്തിയതിനെ തുടര്‍ന്ന് ഹോട്ടല്‍ ഉടമയ്ക്കെതിരെ പരാതി. സംഭവത്തില്‍ പൊലീസ് കേസെടുത്തു.
മധ്യപ്രദേശിലെ ഇന്‍ഡോറിലെ ആല്‍ബ ബാരിസ്റ്റോ എന്ന റെസ്‌റ്റോറന്റിലാണ് സംഭവം നടന്നത്. ആകാശ് ദുബൈ എന്ന വ്യക്തിയാണ് ഹോട്ടല്‍ ഉടമയായ സ്വപ്‌നില്‍ ഗുജറാത്തിക്കെതിരെ പരാതി നല്‍കിയത്.
സസ്യാഹാരിയായ ആകാശ് ഓര്‍ഡര്‍ ചെയ്ത വെജ് ബിരിയാണിയില്‍ ചിക്കന്റെ എല്ലുകള്‍ കണ്ടെത്തുകയായിരുന്നു. തുടര്‍ന്ന് ആകാശ് കൊടുത്ത പരാതിയില്‍ ഹോട്ടലുടമയ്ക്കെതിരെ പൊലീസ് കേസെടുക്കുകയായിരുന്നു.
