മലപ്പുറം: നിലമ്പൂരില്‍ പ്രളയത്തില്‍ വീടും സ്ഥലവും നഷ്ടപ്പെട്ട ആദിവാസികള്‍ക്കുള്ള വീട് നിര്‍മാണം തടഞ്ഞ പി.വി അന്‍വര്‍ എം.എല്‍.എയുടെ നടപടി അംഗീകരിക്കാനാവില്ലെന്ന് സി.പി.ഐ. അന്‍വറിന്റെ നടപടിക്കെതിരെ രംഗത്തു വന്ന മലപ്പുറം കളക്ടറാണ് ശരിയെന്ന് സി.പി.ഐ ജില്ലാ നേതൃത്വം പറഞ്ഞു.
പ്രളയകാലത്ത് നന്നായി പ്രവര്‍ത്തിച്ച കളക്ടറെ ഒറ്റപ്പെടുത്താന്‍ അനുവദിക്കില്ലെന്നും സി.പി.ഐ പറഞ്ഞു. നാളെ നടക്കുന്ന എല്‍.ഡി.എഫ് ജില്ലായോഗത്തില്‍ വിഷയം ചര്‍ച്ച ചെയ്യാനാണ് തീരുമാനം.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
വീട് വച്ച് നല്‍കാനുള്ള ഫെഡറല്‍ ബാങ്കിന്റെ പദ്ധതിയെ നിലമ്പൂര്‍ എം.എല്‍.എ പി.വി അന്‍വര്‍ തടഞ്ഞതായി മലപ്പുറം ജില്ലാ കളക്ടര്‍ ആരോപിച്ചിരുന്നു. പി,വി അന്‍വര്‍ എം.എല്‍.എക്കെതിരെ ഗുരുതര ആരോപണങ്ങളാണ് തന്റെ ഫേസ്ബുക്ക് പേജിലൂടെ മലപ്പുറം ജില്ലാ കളക്ടര്‍ ഉന്നയിച്ചത്.
