തൃക്കാക്കരയിലെ തിരക്കിനിടെ മമ്മൂട്ടിയുടെ വീട് സന്ദര്‍ശിച്ച് മുഖ്യമന്ത്രി; ആതിഥേയത്വത്തിന് മമ്മൂട്ടിക്കും ദുല്‍ഖറിനും നന്ദിപറഞ്ഞ് ചിത്രങ്ങള്‍ പങ്കുവെച്ച് ബ്രിട്ടാസ്
ഡൂള്‍ന്യൂസ് ഡെസ്‌ക്
Saturday, 28th May 2022, 2:56 pm
കൊച്ചി: തൃക്കാക്കര തെരഞ്ഞെടുപ്പിന്റെ തിരക്കിനിടെ നടന്‍ മമ്മൂട്ടിയുടെ വീട് സന്ദര്‍ശിച്ച് മുഖ്യമന്ത്രി പിണറായി വിജയന്‍. ജോണ്‍ ബ്രട്ടാസ് എം.പിയാണ് ഇതുസംബന്ധിച്ച ചിത്രങ്ങള്‍ ഫേസ്ബുക്കിലൂടെ പങ്കുവെച്ചത്.
‘ആതിഥേയത്വത്തിന് നന്ദി മമ്മുക്ക… ദുല്‍ഖറിനും,’ എന്ന് പറഞ്ഞാണ് ബ്രിട്ടാസിസ് മുഖ്യമന്ത്രിക്കൊപ്പം മമ്മൂട്ടിയും ദുല്‍ഖറും നില്‍ക്കുന്ന ചിത്രം പങ്കുവെച്ചത്. നിര്‍മാതാക്കളായ ജോര്‍ജും ആന്റോ ജോസഫും ചിത്രത്തിലുണ്ടായിരുന്നു.
തൃക്കാക്കര മണ്ഡലത്തിലാണ് മമ്മൂട്ടിയുടെ വീട് സ്ഥിതി ചെയ്യുന്ന എളംകുളം. മുമ്മൂട്ടി ഇവിടുത്തെ വോട്ടറാണ്. നേരത്തെ എല്‍.ഡി.എഫ് സ്ഥാനാര്‍ത്ഥി ജോ ജോസഫും യു.ഡി.എഫ് സ്ഥാനാര്‍ത്ഥിയായ ഉമ തോമസും എന്‍.ഡി.എ സ്ഥാനാര്‍ത്ഥിയായ എ.എന്‍. രാധാകൃഷ്ണനും മമ്മൂട്ടിയുടെ വീട് സന്ദര്‍ശിച്ച് വോട്ട് തേടിയിരുന്നു.
