2017 ലെ 180 ബി.ജെ.പിക്ക് സ്വപ്‌നം കാണാന്‍പോലും പറ്റില്ല; ദല്‍ഹിയില്‍ പാര്‍ട്ടിക്ക് വരാനിരിക്കുന്നത് വെല്ലുവിളികളുടെ ദിവസങ്ങളെന്ന് റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Tuesday, 29th June 2021, 12:53 pm
ന്യൂദല്‍ഹി: ദല്‍ഹിയില്‍ അടുത്തവര്‍ഷം നടക്കാനിരിക്കുന്ന മുനിസിപ്പല്‍ തെരഞ്ഞെടുപ്പില്‍ ബി.ജെ.പിക്ക് കനത്ത തിരിച്ചടിയുണ്ടാകുമെന്ന് സര്‍വേ റിപ്പോര്‍ട്ടുകള്‍.
വെറും നാല്‍പ്പത് സീറ്റുകള്‍ മാത്രമേ ബി.ജെ.പിക്ക് വിജയിക്കാന്‍ പറ്റുള്ളൂവെന്നാണ് സര്‍വേ റിപ്പോട്ടുകള്‍ നല്‍കുന്ന സൂചന. 2017 ല്‍ 180 വാര്‍ഡുകളിലാണ് ബി.ജെ.പി വിജയിച്ചത്. ഇത്തവണ അത്തരത്തില്‍ ഒരു വിജയം ഉണ്ടാവില്ലെന്നാണ് പാര്‍ട്ടിക്കകത്തുനിന്ന് പുറത്തുവരുന്ന റിപ്പോര്‍ട്ടുകള്‍.
അതേസമയം, മുനിസിപ്പല്‍ തെരഞ്ഞെടുപ്പിന്റെ പേരില്‍ ദല്‍ഹി ബി.ജെ.പിയില്‍ അഭിപ്രായഭിന്നത രൂക്ഷമായിക്കൊണ്ടിരിക്കുകയാണ്.
തെരഞ്ഞെടുപ്പിന് വേണ്ടി പാര്‍ട്ടി ഒരു തരത്തിലുള്ള തയ്യാറെടുപ്പും നടത്തുന്നില്ലെന്നാണ് ഒരു വിഭാഗം മുതിര്‍ന്ന നേതാക്കളുടെ പരാതി.
