ബ്രോ ഡാഡിയിലെ മൂന്നാമത്തെ സ്‌നീക്ക് പീക്ക് പുറത്ത്. പൃഥ്വിരാജിന്റേയും മോഹന്‍ലാലിന്റേയും കഥാപാത്രങ്ങള്‍ തമ്മിലുള്ള സംഭഷണങ്ങളാണ് ഡിസ്നി പ്ലസ് ഹോട്സ്റ്റാറിന്റെ യൂട്യൂബ് ചാനലിലൂടെ പുറത്ത് വിട്ടത്. പൃഥ്വിരാജിന്റെ കഥാപാത്രമായ ഈശോ ജോണ്‍ കാറ്റാടിയുടെ കഥാപാത്രം ടി.വി കാണുന്ന മോഹന്‍ലാലിന്റെ കഥാപാത്രമായ ജോണ്‍ കാറ്റാടിയോട് സ്റ്റീല്‍സ് കമ്പനിയുടെ ഫസ്റ്റ് ജിംഗിള്‍ വന്ന് പറയുന്നതാണ് രംഗം.
‘കാറ്റത്താടില്ലേ കാറ്റാടി
തരിത്തുരുമ്പില്ലാ കാറ്റാടി
കരുത്തുള്ള സ്റ്റീല്‍ ഈ കാറ്റാടി
കാലാകാലങ്ങളീ കാറ്റാടി’ എന്ന് ഈശോ പാടി കേള്‍പ്പിക്കുമ്പോള്‍ ‘അന്നേ നീയാ വാഴക്ക് വെള്ളമൊഴിച്ചോ’ എന്ന് ചോദിച്ച് എഴുന്നേറ്റ് പോകുന്നതാണ് രംഗം.
കഴിഞ്ഞ ദിവസം ഈശോ കാറ്റാടി സ്റ്റീല്‍സ് കമ്പനിയുടെ ടാഗ്‌ലൈന്‍ ജോണിനോട് പറയുന്ന സ്‌നീക്ക് പീക്കും ശ്രദ്ധേ നേടിയിരുന്നു.
വീഡിയോയുടെ ലിങ്ക് മോഹന്‍ലാലും പൃഥ്വിരാജും പങ്കുവെച്ചിുന്നു. ‘കരുത്തില്‍ ഇവന്‍ കാട്ടാന’ ഇതിലും നല്ല ടാഗ്‌ലൈന്‍ ഇനി സ്വപ്നങ്ങളില്‍ മാത്രം. അല്ലേ,’ എന്നാണ് പൃഥ്വിരാജ് വീഡിയോ പങ്കുവെച്ച് പൃഥ്വിരാജ് കുറിച്ചത്.
അതിനു മുന്‍പ് നിര്‍മാതാവ് ആന്റണി പെരുമ്പാവൂരും പൃഥ്വിരാജും അഭിനയിച്ച വീഡിയോയും വൈറലായിരുന്നു.
പൃഥ്വിരാജ് സംവിധാനം ചെയ്യുന്ന ബ്രോ ഡാഡി ജനുവരി 26 ന് ഡിസ്നി പ്ലസ് ഹോട്സ്റ്റാറിലൂടെയാണ് റിലീസ് ചെയ്യുന്നത്.
ജോണ്‍ കാറ്റാടിയായി മോഹന്‍ലാലും ഈശോ ജോണ്‍ കാറ്റാടിയായി പൃഥ്വിരാജുമെത്തുന്ന ബ്രോ ഡാഡിയില്‍ മീന, കല്യാണി പ്രിയദര്‍ശന്‍, ലാലു അലക്‌സ്, മുരളി ഗോപി തുടങ്ങി വന്‍ താരനിരയാണ് അണിനിരക്കുന്നത്.
ശ്രീജിത് എന്‍. ബിബിന്‍ മാളിയേക്കല്‍ എന്നിവര്‍ ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അഭിനന്ദന്‍ രാമാനുജനാണ് ഛായാഗ്രഹണം നിര്‍വഹിക്കുന്നത്.
കോമഡി ഫാമിലി എന്റര്‍ടൈനര്‍ ജോണറിലാണ് ബ്രോ ഡാഡി ഒരുങ്ങുന്നത്. ലൂസിഫറിനെ പോലെ ഗൗരവമുള്ള വിഷയമല്ല മറിച്ച് ഞാന്‍ ഏറ്റവും കുടുതല്‍ ആസ്വദിച്ച്, ചിരിച്ച് കേട്ട കഥയാണ് ബ്രോ ഡാഡി എന്നായിരുന്നു പൃഥ്വിരാജ് ചിത്രത്തെ പറ്റി പറഞ്ഞത്.
ലൂസിഫറിന് ശേഷം എമ്പുരാന് എന്ന ചിത്രമാണ് പൃഥ്വിരാജ് സംവിധാനം ചെയ്യാനിരുന്നത്. എന്നാല്‍ എമ്പുരാന് മുമ്പ് ബ്രോ ഡാഡി ചെയ്യാന്‍ തീരുമാനിക്കുകയായിരുന്നു.
