കോപ അമേരിക്ക ബ്രസീലില്‍
സ്പോര്‍ട്സ് ഡെസ്‌ക്
Monday, 31st May 2021, 8:14 pm
ദുബായ്: 2021 കോപ അമേരിക്ക ടൂര്‍ണ്ണമെന്റ് ബ്രസീലില്‍ നടക്കും. അര്‍ജന്റീനയ്ക്ക് പകരമാണ് ബ്രസീല്‍ വേദിയാകുന്നത്.
ടൂര്‍ണ്ണമെന്റിന്റെ സമയക്രമം പിന്നീട് തീരുമാനിക്കും. കൊവിഡ് വ്യാപനം രൂക്ഷമായി തുടരുന്നതിനാല്‍ നേരത്തെ അര്‍ജന്റീനയില്‍ നിന്ന് വേദി മാറ്റിയിരുന്നു.
പത്ത് ദക്ഷിണ അമേരിക്കന്‍ രാജ്യങ്ങള്‍ പങ്കെടുക്കുന്ന കോപ അമേരിക്ക ടൂര്‍ണമെന്റ് അര്‍ജന്റീനയിലും കൊളംബിയയിലുമായി നടത്താനായിരുന്നു തീരുമാനം. ആഭ്യന്തര കലാപത്തെ തുടര്‍ന്ന് കൊളംബിയ നേരത്തെ തന്നെ ടൂര്‍ണമെന്റ് നടത്തുന്നതില്‍ നിന്ന് പിന്മാറിയിരുന്നു.
അതിന് പിന്നാലെയാണ് അര്‍ജന്റീനയും ഒഴിവായത്.
