ഡാനിഷ് അലിയെ അധിക്ഷേപിച്ച സംഭവം; സഭാസമിതിക്ക് വിശദീകരണം നല്‍കാതെ ഒഴിഞ്ഞുമാറി രമേഷ് ബിധുരി
ഡൂള്‍ന്യൂസ് ഡെസ്‌ക്
Wednesday, 11th October 2023, 10:47 am
ന്യൂദല്‍ഹി: ബഹുജന്‍ സമാജ് പാര്‍ട്ടി (ബി.എസ്.പി) എം.പി ഡാനിഷ് അലിയെ ലോക്സഭയില് അധിക്ഷേപം നടത്തിയ സംഭവത്തില്‍ സഭാസമിതിക്ക് വിശദീകരണം നല്‍കാതെ ബി.ജെ.പി എം.പി രമേഷ് ബിധുരി. ഡാനിഷ് അലി ഉന്നയിച്ച പരാതിയില്‍ വിശദീകരണം നേടാന്‍ സമിതി നിശ്ചയിച്ച യോഗത്തില്‍ ബിധുരി പങ്കെടുത്തില്ല.
ലോക്സഭയില് അധിക്ഷേപം വകവെക്കാതെ ബിധുരിക്കാണ് രാജസ്ഥാനിലെ ടോങ്ക് ജില്ലയിലെ തെരഞ്ഞെടുപ്പ് ചുമതല നല്‍കിയിരുന്നത്. തെരഞ്ഞെടുപ്പ് നടക്കുന്നതിന്റെ തിരക്കുകള്‍ ഉണ്ടെന്ന വാദം ഉന്നയിച്ച് അദ്ദേഹം യോഗത്തില്‍ നിന്ന് ഒഴിഞ്ഞുമാറുകയായിരുന്നു. എന്നാല്‍ ഏതെങ്കിലും പാര്‍ട്ടി ചുമതലകളുടെ പേരില്‍ സഭാസമിതിയുടെ തീരുമാനത്തില്‍ വീഴ്ചവരുത്താന്‍ പാടില്ലാത്തതാണ്.
