കെജ്‌രിവാളിന്റെ ജനപ്രീതിയെക്കുറിച്ച് പോള്‍ നടത്തിയ ബി.ജെ.പി എം.എല്‍.എയ്ക്ക് തിരിച്ചടി: ഒടുക്കം എ.എ.പി പോളിനെ അട്ടിമറിച്ചെന്ന് ആരോപിച്ച് തടിയൂരി
ഡൂള്‍ന്യൂസ് ഡെസ്‌ക്
Thursday, 30th May 2019, 10:02 am
ന്യൂദല്‍ഹി: ദല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ ജനപിന്തുണ അറിയാന്‍ ട്വിറ്ററില്‍ പോള്‍ നടത്തിയ ബി.ജെ.പി എം.എല്‍.എ മജീന്ദര്‍ സിര്‍സയ്ക്ക് തിരിച്ചടി. പോളില്‍ പങ്കെടുത്ത 70%പേരും കെജ്‌രിവാളിന് അനുകൂലമായി വോട്ടു ചെയ്യുകയായിരുന്നു.
കെജ്‌രിവാളിന് അനുകൂലം, എതിര് എന്നിങ്ങനെ രണ്ട് ഓപ്ഷനായിരുന്നു മജീന്ദര്‍ നല്‍കിയത്. 30% പേര്‍ മാത്രമാണ് കെജ്‌രിവാളിനെ എതിര്‍ത്തത്. ഇതോടെ എ.എ.പി പ്രവര്‍ത്തകര്‍ പോള്‍ അട്ടിമറിച്ചെന്ന ആരോപണമുന്നയിച്ച് മജീന്ദര്‍ തടിയൂരുകയായിരുന്നു.
‘അരവിന്ദ് കെജ്‌രിവാളിന് അനുകൂലമായി വോട്ടു ചെയ്ത എ.എ.പി ഐ.ടി സെല്ലിന് അഭിനന്ദനങ്ങള്‍. യാഥാര്‍ത്ഥ്യം ഇതായിരുന്നെങ്കില്‍ എ.എ.പി ലോക്‌സഭാ തെരഞ്ഞെടുപ്പില്‍ ജയിക്കുമായിരുന്നു.’ എന്നാണ് മജീന്ദര്‍ ട്വീറ്റു ചെയ്തത്.
