ഒഡിഷയില്‍ മന്ത്രിയെ മണിക്കൂറുകളോളം ബംഗ്ലാവില്‍ പൂട്ടിയിട്ട് കോണ്‍ഗ്രസ്-ബി.ജെ.പി പ്രവര്‍ത്തകര്‍
ഡൂള്‍ന്യൂസ് ഡെസ്‌ക്
Wednesday, 3rd November 2021, 7:35 pm
ഭുവനേശ്വര്‍: ഒഡിഷയില്‍ വനിത-ശിശുക്ഷേമ വകുപ്പ് മന്ത്രിയെ ഘെരാവോ ചെയ്ത് ബി.ജെ.പി-കോണ്‍ഗ്രസ് പ്രവര്‍ത്തകര്‍.
സംസ്ഥാനത്ത് ബി.ജെ.ഡി പ്രവര്‍ത്തകര്‍ തങ്ങള്‍ക്ക് നേരെ ആക്രമണം നടത്തുന്നുവെന്നാരോപിച്ചാണ് മന്ത്രി തുകുനി സഹുവിനെ മണിക്കൂറുകളോളം സര്‍ക്കാര്‍ ബംഗ്ലാവില്‍ പൂട്ടിയിട്ടത്.
മുഖ്യമന്ത്രി നവീന്‍ പട്‌നായിക്കിന്റെ സന്ദര്‍ശത്തിനിടെ തങ്ങളുടെ പ്രവര്‍ത്തകരെ ബി.ജെ.ഡിക്കാര്‍ ആക്രമിച്ചെന്ന് പറഞ്ഞായിരുന്നു ബി.ജെ.പി-കോണ്‍ഗ്രസ് പ്രതിഷേധം.
ഹെല്‍ത്ത് കാര്‍ഡുകള്‍ വിതരണം ചെയ്യുന്നതിനായി കുഞ്ചിട ജില്ലയിലെത്തിയതായിരുന്നു തുകുനി.
