315ല്‍ 24 എണ്ണം മാത്രം, അഡ്രസ്സില്ലാതെ ബി.ജെ.പി; കരുത്തുകാട്ടി ബിജു ജനതാ ദള്‍
ഡൂള്‍ന്യൂസ് ഡെസ്‌ക്
Saturday, 26th February 2022, 4:06 pm
ഭുവനേശ്വര്‍: ഒഡീഷ ജില്ലാ പരിഷത്ത് തെരഞ്ഞെടുപ്പില്‍ ലാന്‍ഡ് സ്ലൈഡ് വിജയമുറപ്പിച്ച് മുഖ്യമന്ത്രി നവീന്‍ പട്‌നായിക്കിന്റെ ബിജു ജനതാ ദള്‍ (ബി.ജെ.ഡി).
ആകെയുള്ള 315 സോണുകളില്‍ 270ലും ലീഡ് നേടിയാണ് ബി.ജെ.ഡി ഒഡീഷയിലെ തങ്ങളുടെ സമഗ്രാധിപത്യം അരക്കിട്ടുറപ്പിച്ചത്. 85 ശതമാനത്തിലധികമാണ് പാര്‍ട്ടിയുടെ സ്‌ട്രൈക്ക് റേറ്റ്.
പ്രധാന എതിരാളികളായ കോണ്‍ഗ്രസും ബി.ജെ.പിയും അടിത്തറയില്ലാത്ത അവസ്ഥയിലേക്ക് ചുരുങ്ങി. ബി.ജെ.പിക്ക് 24 സോണുകളിലും കോണ്‍ഗ്രസിന് 15 സോണുകളിലും മാത്രമാണ് ലീഡ് നേടാനായത്. ആറ് സോണുകളില്‍ മറ്റ് പാര്‍ട്ടികളും സ്വതന്ത്രരും ലീഡ് ചെയ്യുന്നു.
