ആ സിനിമ വിജയിച്ചപ്പോള്‍ എന്റെ മോന്‍ ചെയ്ത ചിത്രമാണെന്ന് പറയുന്നപോലുള്ള സന്തോഷമായിരുന്നു: ബേസില്‍ ജോസഫ്
എന്റര്‍ടെയിന്‍മെന്റ് ഡെസ്‌ക്
Thursday, 3rd October 2024, 11:45 am
നവാഗതനായ നഹാസ് ഹിദായത്ത് സംവിധാനം ചെയ്ത് വീക്കെന്‍ഡ് ബ്ലോക്ക്ബസ്റ്റേഴ്‌സിന് കീഴില്‍ സോഫിയ പോള്‍ നിര്‍മിച്ച ആക്ഷന്‍ ത്രില്ലര്‍ ചിത്രമാണ് ആര്‍.ഡി.എക്‌സ്. പുലിമുരുകന്‍, ലൂസിഫര്‍, 2018 എന്നിവയ്ക്ക് ശേഷം 50 കോടി കളക്ഷന്‍ നേടുന്ന നാലാമത്തെ മലയാളം ചിത്രമായി ആര്‍.ഡി.എക്‌സ് മാറി. 100 കോടിക്കടുത്ത് ബോക്‌സ് ഓഫീസ് കളക്ഷന്‍ നേടാന്‍ ചിത്രത്തിന് കഴിഞ്ഞിരുന്നു.
ആര്‍.ഡി.എക്‌സ് സിനിമയെ കുറിച്ച് സംസാരിക്കുകയാണ് ബേസില്‍ ജോസഫ്. സംവിധായകന്‍ നഹാസിന്റെ അടുത്ത് താന്‍ സിനിമ കാണാന്‍ പോകുന്ന കാര്യം പറഞ്ഞിട്ടില്ലായിരുന്നെന്നും ഫുള്‍ പാക്കിഡ് ആയ തിയേറ്ററില്‍ നിന്നാണ് സിനിമ കണ്ടതെന്നും ബേസില്‍ പറയുന്നു. സിനിമ കഴിഞ്ഞ് കുറച്ചു പയ്യമാര്‍ ഫോട്ടോ എടുക്കാന്‍ വന്നെന്നും അവരോട് സിനിമ എങ്ങനെയുണ്ടെന്ന് ചോദിച്ചപ്പോള്‍ അടിപൊളി ആണെന്ന് പറഞ്ഞെന്നും അദ്ദേഹം കൂട്ടിച്ചേര്‍ത്തു.
