എനിക്ക് നടനാകണമായിരുന്നു, അതിനാല്‍ ഞാന്‍ ഷാരൂഖ് ഖാന്റെ പാത പിന്തുടര്‍ന്നു: ആയുഷ്മാന്‍ ഖുറാന
ഡൂള്‍ന്യൂസ് ഡെസ്‌ക്
Saturday, 4th December 2021, 12:01 pm
വ്യത്യസ്ത സിനിമകളുടെ തെരഞ്ഞെടുപ്പിലൂടെ ബോളിവുഡില്‍ തന്റേതായ സ്ഥാനം ഉറപ്പിച്ച താരമാണ് ആയുഷ്മാന്‍ ഖുറാന. ഷാരൂഖ് ഖാന്‍ കാരണമാണ് താന്‍ മാസ് കമ്മ്യൂണിക്കേഷന്‍ പഠിച്ചതെന്ന് പറയുകയാണ് ആയുഷ്മാന്‍.
‘ഷാരൂഖ് ഖാന്റെ ഒരു വലിയ ആരാധകനാണ് ഞാന്‍. അദ്ദേഹം മാസ് കമ്മ്യൂണിക്കേഷന്‍ ആണ് പഠിച്ചത്. അതുകൊണ്ടാണ് ഞാനും മാസ് കമ്മ്യൂണിക്കേഷന്‍ പഠിച്ചത്. എഴുത്തില്‍ എനിക്ക് വലിയ താല്‍പര്യം ഉണ്ടായിരുന്നു. ശേഷം ഞാന്‍ റേഡിയോയിലും ടെലിവിഷനിലും പോയി. എങ്കിലും ഒരു നടന്‍ ആവുക എന്നതായിരുന്നു എന്റെ ആഗ്രഹം. മാസ് കമ്മ്യൂണിക്കേഷന്‍ പഠിച്ചതിന് ശേഷമാണ് ഷാരൂഖ് ഖാന്‍ നടനായത്. അതുകൊണ്ട് ഞാനും അതേ പാത പിന്തുടര്‍ന്നു,’ ആയുഷ്മാന്‍ പറയുന്നു.
